- KVK: Mayoria compania ta pensa cu e scarsedad di trahado lo empeora
- HOH: Ocupacion di cama poco poco ta bek na normalidad na hospital
- Video: Ryçond Santos do Nascimento ta considera su entrada den AVP como un eror
- Mas turista Colombiano ta biahando pa Corsou envez di Aruba den 2024
- Minister a anuncia mando nobo temporal na Cuerpo di bombero
Abogado Roy Brown a bay sosega
ORANJESTAD - Diaranson atardi, abogado mr. Roy Brown a fayece na su cas, despues di un lucha largo cu su salud. Mr. Roy Alexander Brown a nace dia 18 October 1941 na Aruba, a bay MULO na Augustinus College na San Nicolas y cu su 16 aña a bay Hulanda pa sigui su estudio. Ey el a caba su Gymnasium na Den Haag y despues a studia ley na Leiden y a gradua como hurista na aña 1970, pues 47 aña pasa.
Na comienso di aña 1971 el a regresa Aruba unda el a cuminsa traha como abogado. El a cuminsa su mesun bufete na aña 1985; Advokatenkantoor Brown. El a traha como abogado te su 60 aña di edad. Roy Brown a bay laga atras su casa Helen Brown-Ras, su yiunan Maura, Anthony, Patrick, Barbara, Jurani y Alexandra. Tambe a bay laga atras 8 nieto/a cu ta stim’e masha. Brown tabata un di e fundadonan di Orden di Abogado di Aruba. Separa di esey el a fungi den Hunta di Supervision di diferente organisacion y fundacion, manera Fondo Desaroyo Aruba (FDA), Aruba Investment Bank (AIB) y Aruba Airport Authority (AAA) y tambe a fungi den Regentenraad di Dr. Horacio E. Oduber Hospitaal. Den su bida e tabata ex Presidente di Kiwanis Club of Palm Beach. Den su hobby, Brown tabata un fanatico ferviente di golf y di cricket.
Lo tin oportunidad pa duna condolencia diasabra dia 22 di April 2017 na Ad Padres Funeral Home na San Nicolas entre 6:00pm y 9:00pm. Lo tene e ceremonia di despedida den seno familiar. Cu Roy Brown sosega na paz.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Follow NoticiaCla
