- KVK: Mayoria compania ta pensa cu e scarsedad di trahado lo empeora
- HOH: Ocupacion di cama poco poco ta bek na normalidad na hospital
- Video: Ryçond Santos do Nascimento ta considera su entrada den AVP como un eror
- Mas turista Colombiano ta biahando pa Corsou envez di Aruba den 2024
- Minister a anuncia mando nobo temporal na Cuerpo di bombero
Croes: Setar no a bende celular ‘refurbished’ y of daña nunca
ORANJESTAD – Loke cu Setar no a haci nunca, ela hay'e ta haci diahuebs pa sigura comunidad cu su telefonnan ta safe y di bon calidad. Tur esaki den cuadro di e fraude descubri cu un cantidad di telefon cu un ex trahado a cumpra pa e compania. Pa splica e situacion, e director Roland Croes a comparti cifras di benta cu normalmente no ta haci. A haci mencion di cuanto telefon ta bende pa aña, pa siman, pa dia, cu ta algo inusual pa motibo di mercadeo. Pero e tabata necesario pa kita e percepcion cu Setar a bende telefonnan celular defecto, ta existi.
TELEFONAN BON BON
E director, riba pregunta di NoticiaCla.com a sigura cu tur telefon cu e compania ta bende, ta bon bon. E asunto cu a menciona telefonnan ‘refurbished’, osea manipula of reforma, Croes a clarifica bisando cu a haya ‘apenas’ un total di 150 telefon cu tabata ‘refurbished’, pero cu nunca nan no a subi mercado. “Nos a atende cu esey. Achteraf nos a haya sa, pero e persona cu a atende cu esey tabata envolvi den e caso. E no a geef door cu esey a pasa. Si ela clear e, nos lo a kita e compania ey for di e lista di compania cu nos ta deal cu ne” Croes a bisa.
COMPARTI DATOS DI BENTA
Aki e director a sigui cu e hecho di comparti cifras pa prueba un punto. E director a sigui sigura comunidad cu tur producto cu a wordo presenta, ta di bon calidad. “Nos no ta cumpra nada cu ta refurbished, cu no ta nobo of original” Croes a bisa. Pa hinca esaki den contexto, e director a splica cu den e ultimo 12 añanan Setar a cumpra entre 30 pa 40 mil telefon pa aña. Ta bende 800 telefon pa siman cu ta wordo bendi, cu ta 150 telefon pa dia. Entre tur esakinan, a detecta 150 telefon, entre mei miyon telefon bendi den 12 aña.
KVK: Mayoria compania ta pensa cu e scarsedad di trahado lo empeora
ORANJESTAD – Mayoria compania ta pensa cu e scarsedad di trahado na Aruba lo empeora. Asina Camara di Comercio ta raporta diaranson.
Mas turista Colombiano ta biahando pa Corsou envez di Aruba den 2024
BOGOTA – Mas turista Colombiano a bay Corsou envez di Aruba. Asina presidente ehecutivo di Asociación Colombiana de Agencias de Viajes y Turismo, (ANATO), Paula Cortés Calle ta raporta segun un raportahe di e portal Colombiano El Nuevo Siglo ta raporta. Mientras cu paisnan manera Merca, Spaña, Panama y Republica Dominicano ta conta pa 69% di e Colombianonan cu ta biaha pa exterior, e pais cu mas crecemento ta Corsou cu 157% di participacion, compara cu Aruba cu tin ‘apenas’ 63%. Hasta Hulanda tin mas trafico di Colombia, na 81%. Pero ta sigui Aruba cu 47% y Panama cu 44%. Segun ANATO, e prome trimester di 2024, 1.345.687 Colombiano a biaha pa exterior, cu ta un aumento di 13%, compara cu e mesun periodo aña pasa. “E resultadonan positivo aki ta refleha e recuperacion di turismo saliente, cu ta beneficia e industria relaciona, den e area, hotel y restaurant, entre otro” Cortés Calle a finalisa bisando.
Pa aña 2024 y 2025, ATIA lo enfoca mas riba e tema laboral
ORANJESTAD - Diabierna 19 di april 2024, Aruba Trade and Industry Association (ATIA) a tene su reuniun general di miembrecia den e sala di conferencia di ATIA.
Aruba Bank ta presenta un serie di entrevista cu su Mortgage Advisors – “Caweta di Hipoteca”
A.T.A: Turismo ‘stayover’ pa Aruba a crece cu mas di 25% den maart 2024
ORANJESTAD - Den e prome kwartaal di 2024, a conta cu cifranan prometedor pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA, a bisa den un comunicado. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’. E meta ta pa sigui mantene esfuerzonan den linea segun e balans menciona, y logra aumenta e entrada proporcionalmente mas cu e volumen cu nos destinacion ta ricibi. Capacidad di carga tambe ta sigui ricibi atencion di parti di A.T.A. di diferente manera.
Aruba ta den e top 5 pa loke ta e hafnan pa crucero den Caribe
ORANJESTAD – Aruba (y Corsou) ta figura den e top 5 di hafnan pa barconan crucero segun e portal cruisefever.net. Ta considera Aruba esun mas conoci di e islanan ABC, segun e portal. E haf di Aruba ta popular pa cruceronan cu itinerario di 8 pa 12 dia. E beachnan blanco, historia colonial, y e seguridad ta motibonan pa e escogencia aki. No descuida pa e oportunidad di compras tambe. Corsou tambe ta figura den e top 5 na di ultimo lugar, esta #5 compara cu Aruba cu ta na number 2. E edificionan colonial tambe y e ciudad Willemstad, e rifnan colorido y e cafenan interesante tabata motibo suficiente pa scohe e isla tambe. E prome pais den Caribe ta St Maarten, sigui pa Aruba, Grand Cayman, San Juan y Corsou.
Follow NoticiaCla
