Tres partido cu suficiente voto den ‘pre-eleccion’ na Corsou

Posted on 03/20/2017 11:18 am AST | Updated on 03/20/2017 11:26 am AST

WILLEMSTAD – Total di 3 partido (di 6) cu a participa den e pre-eleccion den fin di siman na Corsou, a logra sigura nan posicion pa e proximo eleccion di dia 28 di april. Partidonan cu a logra suficiente asiento (mas di 700) tabata Partido Innovacion Nacional (PIN) di Suzy Camelia Römer cu 2660, Movimento Corsou Prome cu 1218 voto y Frente Obrero/PAN cu 1124. E otro 3 partidonan no a logra suficiente voto pa garantiza nan participacion. Informacion: Mariano Heyden. Fotos ta di NoticiaCla.com. 

  • Vaders: No tin prueba contra Fonseca y mester lag’e liber den caso Maximus

    Vaders: No tin prueba contra Fonseca y mester lag’e liber den caso Maximus

    WILLEMSTAD – Burney ‘Nini’ Fonseca ta inocente, no tin prueba contra dje y como tal mester dun'e vrijspraak, osea declar'e liber. Esey tabata argumento principal di abogado Marije Vaders awe mainta den e ultimo dia di tratamento di e caso Maximus. Na final Fonseca (via teleconference) for di Hulanda a bisa cu en berdad e ta inocente, y cu fiscal ta su ‘heroe’ pasobra el a comproba cu no tin prueba contra dje. ‘Sea bo ta inocente of bo ta culpabel, bo no por ta un tiki culpabel’, Fonseca a bisa, comparando e dicho ‘of bo ta na estado of bo no ta, pasobra bo no por ta un poco na estado’. Caso Maximus tabata pa trata ken ta esun tabata e intermediario pa cu e morto di politico Helmin Wiels, y ken ta esun cu a paga e asesino y ken tabata e contacto cu esun cu a duna orden pa mata Wiels. Hues a cera tratamento di e caso y ta dicta sentencia dia 11 di mei proximo.

  • Demanda O.M. di 26 aña prison pa Burney ‘Nini’ Fonseca

    Demanda O.M. di 26 aña prison pa Burney ‘Nini’ Fonseca

    WILLEMSTAD – Ministerio publico a demanda 26 aña di prison pa ‘Nini’ Fonseca awe tardi. Manera Noticiacla.com a raporta caba, awe, cuater aña despues di asesinato di Helmin Wiels, nos ta dilanti un fase nobo. E asesino, Elvis Kuwas, a keda mientrastanto condena, awor ta toca turno na e middleman: Burney ‘Nini’ Fonseca.

  • Caso ‘Maximus’ mester divulga ken a paga pa mata Wiels

    Caso ‘Maximus’ mester divulga ken a paga pa mata Wiels

    WILLEMSTAD – E proceso contra Burney “Nini” Fonseca, considera como e ‘link’ entre esnan cu a ordena e morto contra Helmin Wiels (dfm) y esnan cu a ehecuta e morto di e politico na mei di 2013, a sigui awe mainta. E intencion tabata pa exclusivamente trata e tarea di Fonseca den e caso aki. Tur atencion ta riba e caso aki na Corsou y otro partinan di Reino Hulandes. Pa e caso aki a traslada e asesino di Wiels,- Elvis ‘Monster’ Kuwas pa Bonaire den weekend y awe mainta trece cu helicopter pa Corsou pa ta testigo.

  • Asesino Helmin Wiels posiblemente presente den caso Maximus na Corsou

    Asesino Helmin Wiels posiblemente presente den caso Maximus na Corsou

    WILLEMSTAD – E asesino di Helmin Wiels Elvis ‘Monster’ Kuwas a yega Bonaire den fin di siman, y lo mester presenta den corte diaranson durante tratamento di e caso Maximus. Por lo menos esey ta e informacionnan cu ta circula. Mientras cu autoridad tin un silencio hermetico riba e traslado di Kuwas for di Hulanda, informacion cu NoticiaCla.com tin, ta cu esaki ta e motibo di su ‘bishita’. Kuwas a bin bon cuida, completo cu cuminda for di Hulanda pa asina no tin cu haya nada di Bonaire. Tur ta medidanan di seguridad cu a tuma pa evita cualkier problema. Y ora cu ta necesario, lo traslad'e temporalmente pa Corsou.

  • Minister Croes deliberando cu abogado na Corsou riba su caso

    Minister Croes deliberando cu abogado na Corsou riba su caso

    ORANJESTAD – Minister Paul Croes ta na Corsou pa delibera riba su caso cu su abogado Marije Vaders e siman aki. Fuentenan cerca di famia a confirma esey pa NoticiaCla.com y e abogado a confirma cu e siman aki lo tin mas informacion riba e caso. Mes momento a confirma tambe cu e facebook page personal di e mandatario a wordo ‘gehacked’ dialuna ultimo. Tabata manda mensahenan como si fuera tabata Croes tabata manda mensahe contra e partido cu e ta forma parti di dje. “No hater no faker, nothing will take away his smile, courage and love for his people...Biba Paul Croes! Danki pa kere den dje!” su ruman muher, conocido propietario di e emisora Magic FM, Erin Croes a post riba su propio pagina awe mainta.

  • Cede principal di partido PAR afecta pa un Molotov cocktail den weekend

    Cede principal di partido PAR afecta pa un Molotov cocktail den weekend

    WILLEMSTAD – Diasabra marduga desconocinan a pasa na Fokkerweg y tira un Molotov cocktail bom riba sede di PAR y pega esaki na candela. Unidad di Brandweer di Steenrijk mester a bay na e sitio pa por a domina e candela. Tabatin basta daño na e edificio parti paden. Despues mainta durante un conferencia di prensa dilanti di e edificio, e lider di partido Eugene Ruggenaath a bisa cu por kibra y kima nan lugar, pero no nan animo pa eleccion. Polis y OM mientrastanto a anuncia cu nan lo vigila e sedenan politico mas di cerca di awo en adelante. Eleccion ta dia 28 di april proximo. 

  • Powered by SETAR