Tres partido cu suficiente voto den ‘pre-eleccion’ na Corsou

Posted on 03/20/2017 11:18 am AST | Updated on 03/20/2017 11:26 am AST

WILLEMSTAD – Total di 3 partido (di 6) cu a participa den e pre-eleccion den fin di siman na Corsou, a logra sigura nan posicion pa e proximo eleccion di dia 28 di april. Partidonan cu a logra suficiente asiento (mas di 700) tabata Partido Innovacion Nacional (PIN) di Suzy Camelia Römer cu 2660, Movimento Corsou Prome cu 1218 voto y Frente Obrero/PAN cu 1124. E otro 3 partidonan no a logra suficiente voto pa garantiza nan participacion. Informacion: Mariano Heyden. Fotos ta di NoticiaCla.com. 

  • Babel: Tres aña prison pa Schotte y 9 luna pa vd Dijs

     Babel: Tres aña prison pa Schotte y 9 luna pa vd Dijs

    WILLEMSTAD – Corte di apelacion a practicamente mantene e sentencia inicial di tanto ex prome minister Gerrit Schotte y su partner Cicely vd Dijs diabierna atari den e sentencia di caso Babel. Pa Schotte esaki ta significa 3 aña di castigo di prizon kitando voorarrest y 5 aña ta perde derecho pa participa activamente den politica. Su partner vd Dijs a keda sentencia na 15 luna di castigo di prizon, di cual 6 ta condicional, cu ta significa cu e tin cu sinta 9 luna di castigo, kitando e voorrarest. E peticion di Ministerio Publico pa detene Schotte mesora despues di e sentencia a keda rechasa. Pa loke ta e parti di absolucion, Schotte a keda absolvi pa e cargonan di paspoort perdi, y su partner a keda absolvi di e cargo di falsificacion di documento. Keda pendiente pa mas informacion. Foto archivo cortesia Anneke Polak. 

  • Plaza Hotel na Corsou bendi na findishi pa 9 miyon dollar awe mainta

    Plaza Hotel na Corsou bendi na findishi pa 9 miyon dollar awe mainta

    WILLEMSTAD – Plaza Hotel y Casino a wordo bendi na findishi awe mainta na Corsou pa e suma di 9 miyon dollar na John Burchan di Waterfront Hotel Group. Asina e vespertino Amigoe ta raporta awe merdia. E unico instancia cu a ofrece, ta esun cu a bira e cumprado finalmente. Cu e findishi aki, e banco responsabel Giro Bank ta logra cubri e gastonan pendiente di e hotel cu e aña aki a bati bancarota. E mal estado di e hotel a pone cu tabata dificil pa haya inversionistanan local pa inverti den e hotel aki, ya cu mester inverti basta placa pa drecha e hotel su estado. Segun informacion cu e vespertino tin, e compania tin 10 dia pa traspasa e suma menciona pa e cuenta di giro bank. Fuente Amigoe. Foto Curacao to Go.

  • Trahadornan InselAir cu ultimatum pa gerencia

    Trahadornan InselAir cu ultimatum pa gerencia

    WILLEMSTAD – Trahadornan di InselAir International (Corsou) ta duna gerencia te dialuna pa tene honor na nan mes. Si pa e dia ey nan no a retira, e compania ta ‘bay plat’. Asina e matutino Extra ta raporta. E matutino ta referi na un reunion cu a tuma lugar e siman aki cu e sindicato UGTK/CADMU, cu a trata e situacion interno cu tin. E ultimatum cu trahadornan a pone, ta debi na e carta cu a ricibi di ultimatum pa retiro voluntario. E compania kier reduci e cantidad di trahado te na 180. E trahadornan no ta nada contento cu e situacion y e gerencia, y ta kere cu e internamente mes tin hende cualifica pa maneha e compania. Fuente Extra.

  • Dos sospechoso na Corsou extradita awe pa Merca

    Dos sospechoso na Corsou extradita awe pa Merca

    WILLEMSTAD - Corsou a extradita awe, 12 di juli 2017, dos persona pa Merca, nan ta M.L.D. (8 di mei 1966, Republica Dominicana) y K.M.H. (22 di januari 1959, Líbano). Tabata funcionarionan di Division Criminalidad organisa di KPC cu a hasi e entrega di e dos sospechosonan na Hato na funcionarionan di US Marshalls di Merca.

  • Asesino di caso na brug di Punda sentencia na 15 aña di prizon na Corsou

    Asesino di caso na brug di Punda sentencia na 15 aña di prizon na Corsou

    WILLEMSTAD - Awe mainta Corte di Husticia a sentencia e homber D.S.O. (Colombia, 23 aña) na un castigo di 15 prizon di aña pa homicidio (doodslag) y posesion di un arma di candela. Hues a acepta e demanda pa daño y perhuicio pa e montante di 12.609 florin. Demanda di Fiscal den e caso aki tabata 16 aña di prizon pa asesinato premedita i posesion di un arma di candela. Ta trata di e caso di asesinato di 25 di februari 2017, marduga 01:50 or despues di Teenerparade na pia di brug den Punda na unda e hoben D'xiane Ogenia (Curacao, 18 aña) a perde su bida debi na tiro for di un arma di candela. Hues a yama e morto di e hoben sin ningun sentido, esta "zinloos geweld", condenabel y rechasabel. Foto archivo cortesia EXTRA. 

  • Parlamentario Jacinta Constancia sentencia na 80 ora di trabou comunitario

    Parlamentario Jacinta Constancia sentencia na 80 ora di trabou comunitario

    WILLEMSTAD - E parlamentario pa partido MFK Jacinta Constancia a haya 80 ora di trabou comunitario of 40 dia di castigo di prizon pa a maltrata colega Gisele Mc William. Pa e menasa contra otro colega, ela haya 'vrijspraak', debi na e imunidad cu e ta gosa como parlamentario. OM y Constancia tin 2 siman pa apela. 

  • Powered by SETAR