Kelly: Aruba no kier avion bieu mas

Kelly: Aruba no kier avion bieu mas

Posted on 03/20/2017 9:15 am AST | Updated on 03/22/2017 12:19 am AST

ORANJESTAD – Directiva di Aviacion Aruba ta bisa cu ora di duna licencia di bula na compania di aviacion nobo nan lo bay tene mas cuenta tambe cu e edad di e flota. “Avion bieu no ta insigur mesora. Pero ta un tendencia pa cumpra avion bieu barata pa bay bula cu nan, cu tur reto di esaki”, director di Aviacion Aruba Edwin Kelly ta bisa.

MANTENCION

Mas y mas e ta mira compania di aviacion ta scoge pa avion bieu. “Esaki ta hopi barata ora bo cuminsa. Pero e avionnan ey mester di masha hopi mantencion y esaki kiermen gasto halto di mantencion. Avion nobo ta mas caro den cuminsamento, pero ta costa menos den mantencion. Ta importante pa studia esaki adelanta y asina garantisa cu cos lo keda bay bon.”

Na Merca, un di e paisnan cu e regulacion di mas severo den e parti aereo, tambe tin compania grandi ta bula cu avion di 25, 30 aña bieu, e director ta admiti. “Como directiva nos ta wak e cos aki si y si bira berdaderamente extremo nos lo actua.” Un di e avionnan MD di InselAir cu tin un promedio di 26 aña bieu. InselAir tambe ta bula cu avion bieu. E flota cu a tene abou na Aruba, tin un edad promedio di 26 aña. Anteriormente e experto Canades di avion Bryce Fisher, cu autoridad Curasoleño di aviacion CCAA a emplea, a bisa cu InselAir a pone su mes den huki, pasobra tur e avionnan tabata den necesidad di un mantencion grandi na e mesun momento. E compania di aviacion ta reconoce cu pa motibo di falta di placa nan no por a cumpra e piesanan na tempo, loke tabatin consecuencia pa e planificacion di e mantencion.

‘NO DIFERENCIA’

Fundado di InselAir Edward Heerenveen di otro banda ta haya cu ‘no ta haci un donder di diferencia’ sea bo scoge pa avion bieu of nobo. “Si mi tuma un avion bieu mi sa kico ta mi plan di mantencion tambe. E ora e mi sa cuanto esaki ta costa. A base di esaki mi ta traha un presupuesto. Si mi cumpra un avion nobo mi tin tiki gasto di mantencion, ma mi tin mas gasto di lease si.”

Heerenveen ta bisa cu un avion di 30 aña ‘por ta mas nobo cu un di 5 aña’. “Ta trata di e piesanan. Tin piesa cu ta mara na tempo, eseynan bo no tin mag di uza pa mas cu 6 luna te un aña.” Ta remarcabel cu ta menciona su compania di aviacion den relacion cu estafa cu piesa di avion. E hefe di e departamento di mantencion, kende entretanto a haya ontslag, lo tabata envolvi den esaki, mescos cu dos inspector di CCAA cu a pone riba non actief, pendiente di e investigacion.

INFLUENCIA

Experto di aviacion y fundado di AVA Airlines Giovanni Atalita ta haya cu e tipo di avion cu e companianan ta scoge p’e sigur sigur tin influencia riba continuacion di nan existencia. “Tanto DAE como InselAir a scoge pa MD y Fokker: tur dos avion ta traha pa companianan cu entretanto ta falliet. (McDonelDouglas Cororation y Fokker) y no ta modernisa nan. Avionnan manera Airbus of Bombardier CRJ700 ta mas moderno y ta traha mas eficiente por ehempel cu kerosin.

For di partner den noticia Ret Karibense .. Autor Sharina Henriquez  Foto. InselAir

 

 

  • Aruba Bank CAMACURI lo habri ariba diasabra 22 y 29 di juli proximo

    Aruba Bank CAMACURI lo habri ariba diasabra 22 y 29 di juli proximo
  • RIU Hotels ta celebra 10 aña na Aruba

    RIU Hotels ta celebra 10 aña na Aruba

    ORANJESTAD - Diahuebs dia 20 di juli 2017 ta marca exactamente 10 aña cu Riu Palace Aruba a habri oficialmente riba nos isla. Durante e decada aki, RIU Hotels a demostra un compromiso serio cu e isla, pasobra despues di 7 aña cu a adkiri e prome hotel, nan a habri un di dos hotel na Aruba, Riu Palace Antillas.

  • Zodiac a parti 12.500 florin comienzo di juli

    Zodiac a parti 12.500 florin comienzo di juli

    ORANJESTAD - Diabierna 7 di juli, 2017 Zodiac a parti 12.500 florin na Natividad R.. Ela cumpra numbernan 9332 cu signo Libra y a gana 12.500 florin, cumprando solamente 0.50 cent na e numbernan ey. Natividad a cumpra e ticket ganado na Lucky Numbers Wilhelmina Straat. Zodiac ta hunga tur merdia y anochi dialuna pa diasabra. Riba diadomingo e ta hunga Merdia so. Zodiac ta un wega cu ta multiplica bo inversion. Cu 1 florin bo por gana 25.000 florin ora tin 4 cifra y signo corecto. Cu 5 florin bo por gana 125.000 florin cu Pick 4 y signo. Y invertiendo e suma di 25 florin cu Pick 4 y Signo bo por gana e suma di 625.000 florin cu Zodiac!

  • Gobierno kier purba frena e.o. importacion illegal di Venezuela

    Gobierno kier purba frena e.o. importacion illegal di Venezuela

    ORANJESTAD- No solamente e fenomeno di importacion di gasolin ilegal di Venezuela tin pleno atencion di Ministernan Arends y Bermudez, pero tambe e negoshi di benta di productonan sea di Colombia of Venezuela cu pa medio di barconan ta drenta Aruba cu no ta cumpli cu e exigencianan di establecimento di negoshi. “Tur esnan cu ta haci e negoshi aki na Aruba mester tin un permiso di establecimento,” Minister Arends a bisa. Ela indica cu nan ta hayando hopi keho di comerciantenan local pa loke ta e negoshi di benta di productonan procedente di Venezuela of Colombia di biaha despues di wordo importa. Durante un reunion cu Ministernan Bermudez y Arends a tene cu Departamento di Asuntonan Economico, DTI, ASTEC, APA, Douane y Douane Recherche e asunto aki a keda discuti y decision a keda tuma pa frena e situacion indeseabel aki.

  • E borchi alegre di OP=OP ta pronostica soft-opening diabierna na Dakota

    E borchi alegre di OP=OP ta pronostica soft-opening diabierna na Dakota
  • Andres F. y su famia completo a cobra e 1.1 miyon di Lotto

    Andres F. y su famia completo a cobra e 1.1 miyon di Lotto

    ORANJESTAD – Tres dia despues di a gana e premio miyonario, Andres F. cu su famia completo a bin cobra e suma bunita di AWG 1.1 miyon florin, cu tabata e pot di e Lotto 5 di diasabra ultimo. Tabata den careda di 1’or di atardi cu Lotto a ricibi e famia completo. E ticket ganador a wordo bendi na Quick Luck Lottery. For di Lotto a compronde cu e famia di Andres ta grandi (12 ruman) y cu tur lo haya parti di e premio. Andres mes lo traha su propio cas, pasobra e no tin un di su mes ainda. Lotto ta contento pa cambia bida di otro hungado, cu awor ta un miyonario, y su famia henter!

  • Powered by SETAR