- Grupo grandi di ex studiante tin problema pa paga nan Duo lening bek
- CBS: Bestaansminimum a subi atrobe na Aruba debi na aumento di gasto di cuminda
- Figaroa: Proximo gobierno mester consisti di solamente vakministers
- E careda di ciclista ‘12 Hours di Aruba’ ta bolbe na 2024!
- Coredornan di Aruba ta cla pa e marathon di Londen pa diadomingo
Bulamento riba e islanan no ta un negoshi duradero
ORANJESTAD – Bulamento riba e islanan no tin un bida largo. Por lo menos diescinco compania di aviacion, tanto local como europeo, a trata esaki ultimo cincuenta aña. Pero asta cu gobierno como (co.-)doño of miyones na sosten di estado, un pa un nan a bay falliet. ALM cu 37 aña tabata esun cu a keda den laira mas largo. Ku gobierno como doño e compania tabatin un monopolio riba e islanan. ALM a crece pa 26 destinacion di buelo di cua mayoria (5) pa Venezuela, pero na 2001 a hañ’é forsa di stop. Director Edwin Kelly di Directiva di Aviacion Aruba, despues di un kuart siglo di ta activo den e sector, a mira seis compania aereo bini y bay. Sin conta e ‘muscanan di un dia so’ manera Fly Aruba. Na 2011 el a bula yega i el a disparce atrobe despues di un luna.
FLUCTUA
Segun Kelly e punto cu ta primi mas tanto ta cu no ta tene suficiente cuenta cu cambionan den mercado. “E mercado venezolano tabata masha fuerte. Esun cubano tambe, pero cu liberalizacion esaki a para. Ta mercadonan temporario cu ta fluctua. Ta pesey un strategia pa termino largo ta necesario.” Fundado di InselAir den preta, Edward Heerenveen: “Niun hende no a verwacht cu e prijs di zeta lo a bash’ abou dje tanto ey. ”E compania a inverti pisa riba Venezuela y mester di e pais aki pa por bula riba otro rutanan manera Surinam, Brazil i Trinidad. E 100 miyon dolar di debe di e pais ey awor a pone e compania di aviacion na rant di bancarota. Giovanni Atalita ta co-fundado di AVA Airlines i tin basta tempo ta lora caba den aviacion local. “Mi ta kere e triki ta pa traha un pia un pia pa percura especialmente pa bo no tin muchu ‘overhead’. Bo por bula riba cien destinacion, pero si e buelo nan no yena, a caba.”
DIVI DIVI AIR
Heerenveen di su banda ta bisa cu un compania di aviacion cu ta bula entre e islanan so no tin futuro. Ta compania masha chikito so, manera DiviDivi Air cu ta bula entre Corsou i Bonaire cu un capacidad pa shete pasahero, ta logra. Es cu ke sobrevivi mester bira un compania internacional caribense. “KLM tampoco lo no sobrevivi nunca si ta for di Hulanda so nan ta bula. Nan ta mas grandi den exterior i esey ta nos ehempel.” Kelly tambe ta bisa cu e bolo ta muchu chikito pa parti. Riba e pregunta si ta necesario pa haya sosten di gobierno pa e avionnan keda den laira, e ta contesta: “Esey ta un decision strategico. Pero ta importante cu un gobierno ta vigila e ruta y cu e conexion entre e islanan no bay perdi.” Ku ayudo di Hulanda e islanan ta studia actualmente con por yega na un coneccion aereo cu si ta duradero.
For di partner di noticia Ret Karibense Autor Sharina Henriquez, Foto Sharina Henriquez
CBS: Bestaansminimum a subi atrobe na Aruba debi na aumento di gasto di cuminda
ORANJESTAD - E bestaansminimum ta e nivel minimo di entrada cual ta wordo percibi cu ta necesario pa logra mantene un nivel di bida adecuado den un cierto pais. Usualmente e bestaansminimum ta wordo determina door di calcula e gasto di tur e recursonan esencial cu un adulto ta consumi den un luna of aña. Generalmente esaki ta wordo yama un indice basico di necesidad, y e ta varia segun e prijs di cuminda, paña, vivienda, transporte y otro articulonan den e “canasta”. Escalanan di ekivalencia ta wordo usa pa ahusta e nivel minimo di entrada percibi pa hogarnan di diferente tamaño y composicion. E escala ta asigna un peso di 1.0 pa e prome adulto y 0.5 pa cada adulto adicional den e hogar (edad 16+) y un peso di 0.3 pa cada mucha (edad 0- 15 aña). E bestaansminimum ta basa riba cifranan di e rapport “Bestaansminimum 2010” y ta wordo actualisa mensualmente pa cu inflacion usando e CPI mensual. E unidad di referencia den e rapport aki ta di un hogar cu ta consisti di dos (2) adulto y dos (2) mucha (edad 0-15 aña).
WEB Aruba ta firma acuerdo cu Seven Seas Water Group pa construi planta SWRO-3
ORANJESTAD – Diaranson dia 17 di mei ultimo, WEB Aruba y Seven Seas Water Group (SSWG), un proveedor multinacional di ‘Water-as-a-Service® (WaaS®) solutions’, a firma un acuerdo Build-Own-Operate-Transfer (BOOT) cu un termino di traspaso di 10 aña. Seven Seas Water (Aruba) VBA lo construi un planta di SeaWater Reverse Osmosis (“SWRO”) cual lo contribui cu un minimo di 16.500 meter cubico di awa potabel pa dia. E asina yama SWRO-3 lo ta parti di WEB Aruba su plan di termino largo y su Water Road Map pa satisface demanda continuo di awa, manteniendo suministro confiabel. E planta nobo lo reemplasa e actual facilidad temporal di produccion di awa. SSWG a haya e contrato despues di un proceso di tendering y negociacion na 2023. Lo construi e planta SWRO-3 riba tereno existente di WEB y ta planea pa cuminsa opera pa medio 2026.
Banco Central ta mantene e tasa di reserva obligatorio na 22,0 porciento
ORANJESTAD - Conforme e tarea di e Comite di Maneho Monetario (CMM) pa evalua, determina y duna transparencia riba e accionnan di maneho monetario di Banco Central di Aruba (BCA), BCA ta comunica lo siguiente. Durante e reunion di 26 di februari 2024, CMM a dicidi pa mantene e tasa di e reserva obligatorio na 22,0 porciento entrante 1 di maart 2024. Di e manera aki, e banconan comercial mester tene un balansa minimo na BCA cu ta igual na 22,0 porciento di e depositonan riba termino cortico di nan clientenan. E decision pa mantene e tasa di reserva obligatorio ta basa primordialmente riba e reservanan oficial cu ta relativamente serca di e limite minimo di e ARA, apesar cu tanto e reservanan oficial como e reservanan internacional a keda adecua y ta premira pa permanece asina durante 2024. Adicionalmente, likides excesivo di e sector bancario ta mustra un tendencia ascendente durante e ultimo lunanan. Finalmente ta considera prudente di mantene e reserva obligatorio na su nivel actual, mirando crecemento continuo di credito y su efecto potencial riba reservanan internacional. BCA ta sigui monitorea e desaroyo den e reservanan y likides excesivo y lo por dicidi di cambia e tasa di reserva obligatorio, si ta considera esaki necesario.
Schlipken: Aruba ta spera 18 mil turista Brasilero den 2024
SAO PAOLO – Aruba ta spera 18 mil turista Brasilero den 2024. Asina e director di turismo di ATA pa Latino Americano, Jordan Schlipken Croes a declara e siman aki na e portal PANROTAS, durante e evento WTM Latin America na Sao Paolo. Segun Croes, Brazil ta e di tres mercado Latino mas grandi pa Aruba, despues di Colombia y Argentina. Ta mustra cu na 2023 tabatin 14 mil bishitante di Brazil pa Aruba. Segun Croes, un di e motibonan di e cifranan grandi aki, ta e gastonan di e Brasileronan den e pais. Pa por yega e cifra di 18 mil Brasilero, Aruba tin 4 strategia principal pa e pais, fuera di e participacion na e bolsa di turismo Brasilero. Esaki ta e.o. incentivonan cu e operadornan y agente di biahe, ya cu 70% di Brasilero cu ta biaha pa Aruba ta cumpra nan pasashi via agentenan di biahe.
Aeroliña Mericano a reduci prijs di pasashi pa Aruba cu 50% e siman aki!
BOSTON – E aeroliña Mericano conoci pa tarifa reduci, JetBlue a reduci su tarifa mas ainda, cu 50% pa biahero pa e.o. Aruba. Nan ta yame un deal special di 2 dia ‘Hit Refresh’, unda cu dentro di e dos dianan aki, e biaheronan mester cumpra e pasashi. Por usa e biahe entre 7 di mei pa 12 di juni y no tin asina yama ‘blackout dates’ osea dianan cu bo no por biaha. Pa Aruba e prijs a wordo reduci cu 50% di p.e $776 dollar te na $378 round trip. No ta algo inusual y ta algo cu nan ta haci frecuente, pero ta sigui interesante. Tur e pasashinan tin cu origina for di Boston.
DEACI a otorga mas di 100 permiso pa negoshi nobo caba den 2024
ORANJESTAD - Pa cuminsa un negoshi of haci cambio den e permiso pa negoshi segun ley, mester haci un peticion pa permiso di negoshi via e website di Departamento di Asuntonan Economico, Comercio y Industria (DEACI) y ta wordo otorga bou di responsabilidad di Minister di Asuntonan Economico.
Follow NoticiaCla
