Rotary Club of Aruba preparacion pa Fiesta Rotaria 2017

Posted on 03/19/2017 8:18 pm AST | Updated on 03/19/2017 9:05 pm AST

ORANJESTAD - Miembronan di Rotary Club of Aruba ta den full preparacion pa e popular Fiesta Rotaria cu lo tuma lugar dia 2 di april. E aña aki tambe Fiesta Rotaria lo tuma lugar na e parking lot di Stadion Guillermo Trinidad. E porta nan lo habri pa 10’or di mainta y manera tur aña ta spera un multitud grandi di trempan caba.

Na Fiesta Rotaria lo tin diferente stands na unda e publico presente por cumpra differente articulo na hopi bon prijs. Lo tin un seccion di “hardware” y articulonan pa cas. Tambe lo tin un stand special pa computer y articulo eletronico. E aña aki tambe tin e posibilidad pa cumpra bo matanan. Esaki ta un stand sigur hopi popular. Den e seccion di supermercado lo tin differente comestibel na benta. Pa tur gusto lo tin algo sigur na Fiesta Rotaria. Lo tin stands na unda por cumpra buki, joyas y paña. Voluntario y miembro nan di Rotary Club of Aruba lo ta cla pa yuda.

Adicional lo tin un seccion special pa nos mucha nan cu diferente actividad manera diferente dino jumps. Bo por pasa purba bo suerte na e “wheel of fortune”, na unda pa un prijs hopi atractivo bo tin chance di gana diferente premionan.

Bar y cushina lo ta bon surti cu diferente stands di cuminda y bebida. Manera tur aña Rotaract Club of Aruba lo tin su stand di “Aruban Delights” cu e famoso sanger yena, pastechi, kroket y cosnan dushi manera bolo, batido di fruta y lemonade.

Fiesta Rotaria ta programa pa caba 6’or di atardi. Durante dia lo tin diferente entretenimento pa tur esnan presente. Ya a confima caba tres banda cu lo duna un presentacion. Esakinan ta Le Groove, Buleria y D’-Licious.

Na final dia Fiesta Rotaria lo saca e premionan di e rifa cual ya ta bon conoci pa nos comunidad pa solamente Afl. 25,- pa ticket bo por gana un di e 12 tremendo premio nan cu como prome premio un Suzuki Gran Vitara nobis nobis. E bukinan di rifa ya ta obtenibel cerca tur miembro di Rotary.

Presidente Stanley Looman ta comenta cu e preparacionnan ta bayendo hopi bon y kier a invita e comunidad di Aruba pa pasa Fiesta Rotaria cual ta e evento di mas grandi di Rotary pa recauda fondo. E fondonan aki lo wordo reparti entre diferente fundacionan y organsacion den nos comunidad.

  • Kiwanis Club of Aruba a celebra Dia Universal di Derecho di Mucha

    Kiwanis Club of Aruba a celebra Dia Universal di Derecho di Mucha

    ORANJESTAD- Riba dia 20 di November mundo henter a conmemora y celebra Dia Universal di Derecho di Mucha y en conexion cu e dia aki, Kiwanis Club of Aruba a invita 50 mucha di diferente districto di Aruba, pa un Kiwanis “Kids’ Bus Island Tour”. E tour a cuminsa mainta tempran, caminda e bus di De Palm Tours a busca tur e muchanan y hiba nan bishita diferente punto historico y atraccion turistico di Aruba. E meta di e recorido aki tabata pa e muchanan conoce un poco di e historia y cultura di Aruba y tabatin e oportunidad di bishita nos atraccion turistico y alavez pasa un mainta divertido, yena cu alegria y sorpresa cu e miembronan di Kiwanis Club of Aruba a prepara specialmente pa nan.

  • Muchanan di Sonrisa a pasa bon durante e proyecto ‘Pasa Pret cu Rotaract’

    Muchanan di Sonrisa a pasa bon durante e proyecto ‘Pasa Pret cu Rotaract’

    ORANJESTAD- Pasa Pret cu Rotaract ta un proyecto anual di nos club cu a wordo inicia 4 aña pasa. E prome 3 edicionnan di e proyecto aki nos a organisa un feria den luna di november pa tur e muchanan den nos comunidad. E feria tabata completamente gratis paso nos kier pa e muchanan bin celebra, of asina “Pasa Pret cu Rotaract” y asina celebra dia International di Mucha hunto cu nos. 

  • Hilton Aruba Caribbean Resort & Casino lo ofrece Buffet di Thanksgiving

    Hilton Aruba Caribbean Resort & Casino lo ofrece Buffet di Thanksgiving

    Palm Beach – E ekipo culinario di Hilton Aruba Caribbean Resort & Casino ta preparando un berdadero fiesta culinario di Thanksgiving, cual lo tuma luga den e Grand Caribbean Ballroom riba Dia di Thanksgiving, diahuebs, 23 di November, 2017, di 5’or pa 8’or di anochi.

  • SMAC a bautisa e jingle di Carnaval 64 na RBC Branch

    SMAC a bautisa e jingle di Carnaval 64 na RBC Branch

    SAN NICOLAS - Despues cu den siman a sinta na mesa y firma acuerdo entre Stichting MUSICA y SMAC mes ora a cuminsa cu promocion pa evento ja conoci pa nos tur cu ta e 11/11.Diasabra cu a pasa tawata 11 di 11, den presencia di President di SMAC Sra. Shannon Henriquez y su miembronan di board, representantenan di board di Raad van toezicht, board di Stichting Musica parti mainta a bautisa e jingle na RBC Branch Sanicolas unda prensa, royalties y demas invitado nan tambe tawata presente. Producer di e jingle un biaha mas tawata den man di sr. Ruben “Scorpio” Garcia, kende na su turno a aserca Hendry “Chokoy” Tromp y Rusty Sprott pa keda encarga cu e jingle. Unda e mainta aki nan a entrega SMAC e jingle oficialmente.

  • SMAC contento cu lansamento di Carnaval 64 den weekend

    SMAC contento cu lansamento di Carnaval 64 den weekend

    SAN NICOLAS - Diasabra anochi di “Legends Festival” na Carnival Village a tuma lugar unda cu tawata tin un programa ful yen y a honra algun legendarionan. E anochi aki di 11/11 a ser dedica na Sr. Randy Thiel cu tawata President di SMAC pa e prome dos an?a nan cu SMAC a lanta cual ta na 2015 y 2016. Pa loke ta trata e legendarionan esaki a keda den e siguiente personanan;

  • Join e mobile hair studio di Pantene y ricibi hair makeovers gratis

    Join e mobile hair studio di Pantene y ricibi hair makeovers gratis

    ORANJESTAD - Durante un presentacion pa prensa y invitadonan special, e team di PANTENE y su distribuidor Compra Ltd a kick off e PANTENE HAIR STUDIO TOUR hunto cu lansamento di dos inovacion den cuido di cabei cu internacionalmente a revoluciona con hende muhe ta cuida nan cabei y desde awor ta obtenibel na punto di benta rond di nos isla. Nos ta papia aki di un linea di tratamento yama GOLD COLLECTION y un formula completamente nobo pa tur shampoo y conditioners di PANTENE.

  • Powered by SETAR