WILEMSTAD – InselAir Aruba lo cera su portanan proximamente. Esaki por lo menos ta e intencion di e compania madre na Corsou, y cu e ciere di InselAir Aruba ta forma parti di e plan di restructuracion di InselAir International. Esaki ta loke a hala atencion den e caso segun Gomez. Biaha pasa na Aruba a pidi surseance van betaling cu e meta pa restructura, pero awor ta sali na cla cu tin otro cos na bista. “Nos a haya documento durante tratamento di e caso awe, unda cu como parti di restructuracion di InselAir international, ta cu e operacion di Aruba lo wordo cera, cual ta diferente di loke a wordo presenta na corte na Aruba” Gomez a bisa. Como tal ta mustra, segun Gomez, cu den futuro e plan ta cu Aruba lo wordo cera y cu lo continua solamente cu e operacion na Corsou. E documentonan no ta den poder di e portal aki ainda, pero abogado Gomez a sigura e portal aki cu e documentonan den corte ricibi awe, ta bisa esey.
Scucha e entrevista cu abogado Dello Gomez AKI.
ORANJESTAD – Mas cu mitar di studiantenan local (Aruba) cu a studia usando e prestamo escolar ‘Dienst Uitvoering Onderwijs voor studenten en scholieren’, conoci como DUO, tin problema pa paga esaki bek , ta paga menos cu nan mester paga, of mas pio, no ta paga nada bek mes. E grupo aki ta sigui ta un problema segun representante di DUO, Marit Verbogt manera cu e la splica diahuebs den e programa Noticiacla LIVE. Si tin mas of menos 4000 ex studiante cu tin cu paga bek, y ta algo di mas di mitar tin e problema, por deduci cu e cantidad aki ta mas cu 2 mil studiante local. Verbogt ta splica kico e situacion ta, den e video adhunto. E siman aki e representantenan ta na Aruba te cu otro siman diabierna pa atende cu e grupo aki y tambe studiantenan cu kier un beca via DUO. Nan por acudi na e centro John F Kennedy durante oranan specifico cu ta ubica riba e pagina di FB di nan y tambe e portal di DUO.
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.