• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Fayonan den trahamento di leynan no ta solamente di DWJZ

ORANJESTAD - Cu gobierno por uza mas hurista pa traha ley, ta un hecho. Te ey director di Directie Wetgeving en Juridische Zaken (DWJZ) e departamento huridico di gobierno George Croes ta di acuerdo cu cierto politiconan cu recientemente a critica den direccion di e departamento. Pero otro criticanan lansa, sigur no ta corecto. Croes a reacciona na NoticiaCla.com basa riba declaracionan di particularmente dos politico cu recientemente a cuestiona e forma con e departamento ta traha, culpando cu nan e.o. mester wordo 'getrained' pa traha leynan local y cu e departamento no ta funciona optimal. "Pero no ta e cantidad di hurista pa traha ley ta un problema" Croes ta bisa. E problema ta e input cu mester haya di departamentonan di gobierno pa por traha e ley". Mes momento Croes ta sigura cu DWJZ no ta perfecto y cu ta haci como si fuera tur cos ta bon regla eynan.

PROCESO PA TRAHA LEY

Traha ley riba su mes ta facil. Pero Croes a splica cu ora cu un minister p.e. kier traha un ley pa regula cierto asunto, ta su departamento mester indica con exacto esaki mester bay. "Nos no ta sinta riba un biblioteek y nos ta djies saca buki y bisa con e mester ta. E minister concerni mester duna input pa asina por yega na un bon producto. Mi tin cu bisa cu eynan hopi biaha eynan cos ta bay un tiki dificil" Croes a sigui bisa, indicando cu tin masha hopi ehempel di esey. "Esey ta haci cu e proceso pa traha ley, ta dura hopi y e ora bo ta haya frustracion". Croes a sigura cu nan (DWJZ) ta djies un di e factornan di trahamento di un ley. Tin gobierno, RvA, kabinet di gobernador y Parlamento. Cada uno tin su tarea den trahamento di un ley. "No ta DWJZ so t'ey". Pues traha e ley ta facil, pero ta e asina yama 'memorie van toelichting' ta tarda e cuenta. "No mas di 15-20% di e tempo ta bay den traha e concepto. Pa e memorie van toelichting bo mester haya ayudo di otro departamento". 

UZA LEY DI OTRO CAMINDA

Tambe Croes ta referi na e hecho cu cada bes ta bisa pa 'djies uza e ley di Corsou y/of Hulanda y 'schrijf e over'." Cla ta. Pero asina hopi biaha e no ta bay" Croes ta sigura. Esey ta pasobra tin aspectonan diferente, pasobra di otro forma e ley no ta bay funciona. Di esey tambe tin masha hopi ehempel segun e director, esta di leynan cu ta wordo traha, pero cu no ta wordo implementa. Si tabata asina, cu ta djies coy ley di otro caminda, lo cos tabata mucho mas facil y no mester di hurista pa haci cierto trabounan. "Semper ta uza e situacion local como uitgangspunt". 

REEDUCA HURISTA 

E hecho cu cierto politiconan ta haci mencion cu mester 'reduca' huristanan pa por traha miho ley, Croes ta haya co'i loco. "Nos huristanan ta traha caba segun circumstancianan local. Nos ta haci hopi training, curso pa train nos huristanan". Eynan Croes no ta di acuerdo cu esnan cu ta bisa cu mester  -re-train nos huristanan. "E hendenan ey mester sa miho" Croes ta bisa, refiriendo na e politiconan recien cu a haci e declaracionan ey. 

KICO TA MOTIBO DI UN LEY

Na Aruba, segun Croes, nos tin e tendencia di mira un ley como un solucion. "Bo tin un problema, traha un ley, cla". Pero e ta splica cu un ley, pa 99% di e caso e ta un instrumento pa logra y soluciona un problema of bin cu un maneho. "Esey no ta nos trabou (e maneho). E ta trabou di e ministernan. Politiconan cu ta aspira pa bira minister of miembronan di staten. Eynan ta unda cu na mi opinion, hopi cos ta bay fout cu ley. Ta traha ley, ta presente como solucion, y eenmaal ela bin na vigor, bo no ta tende nada mas, mientras cu e follow up y ehecucion ta duna e ley su forsa".