ORANJESTAD - Departamento di impuesto (DIMP) di Aruba a pone beslag riba tur cuenta bancario di InselAir Aruba. Tanto gerencia di InselAir Aruba Stephan van Spaandonk y e director di DIMP Luenne Gomez-Pietersz a confirma esaki pa NoticiaCla.com diabierna atardi laat. E motibo exacto no ta conoci, pero por a confirma si cu no ta relaciona cu e caso cu a tuma lugar na december ora cu trahadonan a hiba e compania corte pa exigi traspaso di placa di pensioen y belasting atrasa. Eynan e abogado di e trahadonan kier a exigi accion mesora, pero hues a opta pa interes general, duna InselAir mas espacio pa logra un areglo. Esaki no ta cla ainda. Pero CEO di InselAir a bisa cu ta papiando caba cu DIMP y cu ta spera cu pronto cosnan lo ta regla atrobe. Ki efecto e beslaglegging tin riba e compania no ta conoci ainda.
ORANJESTAD - ATIA kier sa kico pueblo ta haya a cambio di e indexering pa trahadonan publico . Asina e gremio comercial ta bisa como prome reaccion riba e hecho cu gobierno a firma pa duna trahadonan publico indexering. E gremio ta bisa di a tuma nota den medianan social cu tur ambtenaar y gelijkgestelden lo bai haya un indexering den dos taza, uno na juli di 6% y pa 1 januari 2025 di 5.7%. Como gremio comercial representanto companianan priva y semi-gubernamental, nos di Aruba Trade and Industry Association (ATIA) tin algun pregunta over di kico nos como pagado di impuesto lo haya a cambio di e indexering. “No mester compronde robes, nos ta pro cu tur empleado na Aruba merece nan debido salario, pero mester tambe bin a cambio di “performance”, aumento di productividad. Den e acuerdo no tin nada cu Gobierno, como representante di pueblo, ta pone a cambio di un indexering” e director di ATIA, Herrick Henriquez ta sigui bisa.
ORANJESTAD - Conforme e ley di A.T.A., tur aña tin dos momento importante, e prome ta ora di entrega e Rapport Anual cu e resultadonan di e aña anterior y e di dos ta ora di haci entrega di e presupuesto pa e aña siguiente. Segun ATA, tur aña A.T.A. nan a sa di cumpli debidamente cu entrega di e Rapport Anual, incluyendo resumen di resultadonan y di trabao haci, como tambe e relato financiero cu su respectivo ‘goedkeurende verklaring.’
ORANJESTAD - Riba Diabierna 19 di april 2024 den su reunion general di miembrecia, a elegi e hunta di directiva di Aruba Trade and Instustry Association (ATIA). Durante e prome encuentro di e hunta di directiva nobo a elegi e hunta di directiva diario esta e “Daily Board” pa 2024 - 2025.
ORANJESTAD – Dos beach pa Aruba y dos di Corsou a logra e lista di 25 beach mas miho pa Caribe pa 2024 segun e Plataforma grandi di turismo, Tripadvisor. Ta trata di e beachnan Eagle Beach (#2) y Baby Beach (#7), y pa Corsou Grote Knip (#10) y Cas Abao Beach (#13). E lista completo ta presenta tambe.