Interes pa kavel pa carnaval ta grandi atrobe e aña aki

Interes pa kavel pa carnaval ta grandi atrobe e aña aki

Posted on 01/11/2017 11:22 am AST | Updated on 01/12/2017 12:07 am AST

ORANJESTAD - Interes pa kavel pa Carnaval e aña aki a surpasa esun di aña pasa y ta premira cu e ta yegando e nivel di 'antes' atrobe. Miembro di management team di Directie  Infrastructuur en Planning (DIP) Isabel Dammers a confirma cu faltando 2 dia completo pa cera e inscripcion pa kavel, ya a practicamente yega e cantidad total di aña pasa. "Aña pasa nos a bende lootjesnan december y a bende total di 7826 lootjes" Dammers a bisa. E aña aki a habri benta dialuna cu benta di riba 3900 lootjes. Ayera a cera riba un 6700 lootje. "Awe te cu awor nos ta na 7400  lootjes and counting. Nos ta verwacht cu pa diabierna nos ta surpasa by far, e benta di aña pasa y e lo yega riba nivel 'normal' atrobe" Dammers a sigui bisa. Ora papia di normal, ta varia entre 12 pa 14.000 lootjes. Mientrastanto por a tuma nota cu e kavelnan ta 'marca' caba riba caminda. 

KICO TA E DIFERENCIA E AÑA AKI

Segun Dammers, e temporada di aña ta hunga un rol hopi. Aña pasa mirando cu carnaval a cuminsa echt hopi tempran, mester a haci e proceso di lootjes pa kavel for di december, segun ley ta prescribi. "Den december nos cultura di Aruba, tur hende nan cabes ta den Pasco y Aña nobo. Y ora cu aña bolter e ora ey e enfoke ta bin riba carnaval. Nos ta kere esey a causa cu aña pasa e benta di lootjes a cay" Dammers a sigui bisa. 

PROCESO CU TA SIGUI

Ainda tin tempo pa hende aplica pa e kavel y por haci esaki te cu diabierna proximo. Unabes cu diabierna yega y cera e buzon, esaki ta wordo seya. "Nos a haci'e un siman largo pues tur hende tin amplio tempo durante ora di oficina pa cumpra na lootjes. No ta druk. No tin rij. Probecha" Dammers a sigui bisa. Otro siman diamars caba notario ta saca e lootjes, dia 17 di januari. Esey ta nifica cu pa diaranson of diahuebs, ta haci e publicacion den medionan di comunicacion. 

CANTIDAD DI KAVEL 

E aña aki tin atrobe 250 kavel, di cual 180 ta destina pa e loting pa wak carnaval. Tin 71 kavel cu ta wordo uza pa benta di cuminda y bebida (vent) y tambe pa fundacionan y otro instancia cu ta bin na remarke tur aña pa esaki. 

 

 

 

  • Dialuna ta cera otro banda di rotonde di Pos Chikito

    Dialuna ta cera otro banda di rotonde di Pos Chikito

    ORANJESTAD – Dialuna awor DOW (Departamento di Obra Publico) ta cera otro banda di rotonde di Pos Chikito. Asina e departamento a informa diasabra pa medio di un comunicado di prensa. DOW a splica cu specialmente nos automobilistanan cu ta haci uzo di e caminda principal di San Nicolas pa Oranjestad cu e caminda lo keda cera pa un siman largo. Esta for di dialuna awor 29 di mei 2017 te cu diasabra 3 di juni 2017. Motibo ta cu lo bay continua cu e trabounan di e siguiente fase di renobacion y mantencion di e brug pa peaton situa na e rotonde.

  • Willie Chin ta gerente general nobo di The Mill Resort

    Willie Chin ta gerente general nobo di The Mill Resort

    ORANJESTAD – For di e siman aki, The Mill Resort tin un gerente general nobo, den persona di Willie Chin. Chin no ta un desconoci den e mundo hotelero, y despues di mas di 20 aña a bolbe su isla natal den un funcion asina halto. “Mi ta hopi orguyoso di ta bek na mi isla natal atrobe” Chin a splica NoticiaCla.com den su prome entrevista den su funcion nobo. Ela cuminsa su carera hotelero na Aruba cu companianan manera Holiday Inn y Sonesta (actual Renaissance), y despues a muda pa lugarnan manera Puerto Rico y Miami unda cu ela traha cu companianan grandi manera Intercontinental y Starwood. Hunto cu Chin, tin tambe otro Arubiano Shirley Geerman cu tambe ta bolbe su isla natal den funcion di Sales & Marketing Director di The Mill.

  • DIP: No a otorga e 7 terenonan den disputa den Saliña

    DIP: No a otorga e 7 terenonan den disputa den Saliña

    ORANJESTAD – Directie Infrastructuur & Planning (DIP) a sigura cu actualmente ‘no tin tereno otorga den Saliña na Malmok’. Miembro di management team di DIP Isabel Dammers a sigura cu e 7 terenonan cu ta haci mencion den dje y cu a sali publica riba rednan social y den medionan di comunicacion ela informa esey.

  • Advertencia pa biento duro pa Aruba a drenta na vigor

    Advertencia pa biento duro pa Aruba a drenta na vigor

    ORANJESTAD - Un advertencia pa biento duro lo ta den efecto di 10 am ast diaranson 24 di mei te 6 pm ast diadomingo 28 di mei 2017. E ta afecta Aruba completo.  

  • DOW: Circulacion di trafico San Nicolas Oranjestad a mehora

    DOW: Circulacion di trafico San Nicolas Oranjestad a mehora

    ORANJESTAD - Trabounan recien completa riba e caretera na Isla di Oro na Pos Chikito combina control di Policial y diferente otro factor mas a yuda cu awor e fluho di trafico ta moviendo mas rapido cual ta haci cu chauffeurnan cu ta trafica tur dia riba e ruta aki ta un poco mas contento yegando trabou na ora. Asina DOW ta informa den un comunicado. Sinembargo mester bisa cu tin diferente areanan di trabao ainda cu ta activo y cu por influencia e trafico na cualkier momento, p'esey mes DOW ta pidi comprension pa e situacionnan aki cu por surgi. Na e momentonan aki por ehempel mitar di e rotonde di Pos Chikito ta cera y un ruta alternativa ta ser uza, otro siman e otro banda di e mesun rotonde aki lo ser cera pa asina por completa e trabounan di renobacion di e brug di peaton.

  • A logra ‘benta’ grua na waf di Playa abou exitosamente

    A logra ‘benta’ grua na waf di Playa abou exitosamente

    ORANJESTAD – Despues di un intento anterior fracasa, e grua di APA a wordo tumba abou exitosamente diadomingo atardi. Algo despues di 1or di atardi, expertonan a bolbe haci e intento pa benta e grua abou, y asina pone fin na un era di 35 aña despues cu e grua a haci su trabou pa 3 decada na waf di Aruba. Pa seguridad a cera henter e area na waf pa cualkier eventualidad, si algo a bay robes.

  • Powered by SETAR