Aeropuerto a procesa mas cu 22.200 pasahero den weekend

Aeropuerto a procesa mas cu 22.200 pasahero den weekend

Posted on 01/11/2017 10:00 am AST | Updated on 01/11/2017 10:01 am AST

ORANJESTAD – Aruba Airport Authority N.V. (AAA) a cuminsa 2017 riba un nota positivo considerando e cantidad di pasahero y movecionnan di trafico aereo cu a wordo procesa den e prome fin di siman di 2017, conosi como “Super Weekend”. E prome fin di siman despues di Aña Nobo historicamente ta e temporada mas ocupa pa trafico di pasahero na Aeropuerto Internacional Reina Beatrix mirando e cantidad di pasahero cu ta yega y sali for di Aruba despues di e temporada di fin di aña. NoticiaCla.com mes a tuma nota cu cada 4 minuut un avion tabata aterisa riba p.e. diadomingo. 

BON PLANIFICACION

Un biaha mas bon planificacion y coordinacion entre tur stakeholder, departamento y empleado na aeropuerto tawata sumamente importante pa asina por maneha e cantidad di pasahero y movecion di avion durante e weekend cu a pasa. Un poco mas cu 22.200 pasahero y  316 movecion di trafico aereo (tanto avionnan priva y comercial) a wordo maneha den e periodo di 2 dia. E operacionnan na e nivelnan mas halto di seguridad, hunto cu procesamento eficiente y efectivo di pasahero, a resulta den un experiencia positivo pa e miles di personanan biahando door di nos aeropuerto.  

E resultadonan aki ta tuma un cantidad tremendo di coordinacion, planificacion y compromiso di parti di un cantidad di partner di aeropuerto, y e resultado di e fin di siman tras di lomba no lo por tabata posibel sin e esfuersonan di US Customs and Border Protection, Imigracion Local (IASA), Departamento di Border Police na aeropuerto, Douane di Aruba, Air Navigation Services Aruba N.V. (ANSA), Aruba Tourism Authority (ATA), e aerolineanan, e ground handlernan, Departmento di Transporte Publico (DTP), e taxistanan, operadornan di concession y F&B, ASAP Services, Total Services, FMSA, Universal Aviation FBO, Flexo, Aruba Security and Crime Prevention y e ekipo di AAA entre otro. 

TEAMWORK

CEO di AAA Sr. James Fazio: “Ta di mira atrobe cu bon teamwork cu tur e partnernan di aeropuerto ta sumamente importante pa nos tin un Super Weekend exitoso. Tambe, e ultimo ekiponan tecnologico cu a wordo poni y e cambionan den nos facilidadnan na aeropuerto a yuda tremendamente pa atende e cantidad di pasahero den tempo record. E tabata impresionante pa mira cada empleado bai e extra miya pa sigura e servicio adecua na nos pasaheronan y mi kier gradici cada un persona cu a haci un diferencia durante e Super Weekend! E ta impresionante kico por wordo logra cu e focus y compromiso corecto. Bon trabou tur hende!” Fazio a finalisa bisando. 

 

  • Carta na caminda pa esnan cu ainda no a paga number di auto

    Carta na caminda pa esnan cu ainda no a paga number di auto

    ORANJESTAD – E luna aki ainda ta sali un carta di aviso pa esnan cu no a cumpli cu pago di number di auto. Minister di finanza Angel Bermudez a confirma esaki na NoticiaCla.com. E incumplimento di hende cu ta pagando number di auto ta menos cu prome, y esaki ta nifica tambe cu tin mas entrada ariba e tereno aki. Esey no ta kita afo cu tin un incumplimento pa cual hendenan lo wordo ‘atendi cu ne’.

  • Tardanza di operacion CITGO no tin efecto riba caha di Gobierno

    Tardanza di operacion CITGO no tin efecto riba caha di Gobierno

    ORANJESTAD – No tin un conocemento cerca gobierno (lesa: minister di finanza) di un posibel retraso di pagonan di e.o. belasting procedente di refineria CITGO. Manera ta conoci, den e presupuesto pa 2017, gobierno a inclui e porcion di entrada di CITGO, tanto di e porcion di e compania su ‘fee’ anual como e entradanan di impuesto di cada trahado. “Mi no sa si berdaderamente tin un retraso” minister di finanza Angel Bermudez a bisa NoticiaCla.com. Pa loke ta e montantenan fiho di entrada di impuesto manera winstbelasting y e huur paga via RDA, esaki ta drentando cerca gobierno segun e mandatario. Cuanto esaki ta, e mandatario no por bisa si. E parti di impuesto riba gasolin p.e. e mandatario a confirma cu ta ‘up to date’. A confirma tambe cu CITGO a cuminsa paga su debenan fiscal.

  • Aruba Bank ta celebra 'Earth Day' hunto cu Garage Cordia

    Aruba Bank ta celebra 'Earth Day' hunto cu Garage Cordia

    ORANJESTAD - E aña aki ta celebra “Earth Day” riba dia 21 di april y Garage Cordia ta celebrando esaki cu prijs special riba 5 auto. Diabierna 21 di april Garage Cordia lo tin e evento VIP unda cu Aruba Bank lo celebra hunto cu Garnier. Durante e evento Aruba Bank lo ta presente cu su specialistanan den financiamento di auto, kendenan lo t’ey pa sirbi clientenan cu ta buscando pa cumpra vehiculonan cu ta eco-friendly.

  • Wanda Broeksema ta General Manager nobo di Digicel Aruba

    Wanda Broeksema ta General Manager nobo di Digicel Aruba

    ORANJESTAD - Digicel Aruba a apunta Wanda Broeksema como e General Manager p'e operacion di Aruba y esaki ta efectivamente dia 1 di mei 2017. Den e rol aki, Wanda Broeksema lo ta responsabel pa tur benta, distribucion y aspectonan di servicio di e compania. Wanda ta trece cu ne mas di 16 aña di experiencia den mercadeo unda cu ela join Digicel Aruba prome caba pa un periodo di 6 aña na 2005. Despues di 1 aña como gerente di mercado pa Aruba, a promove Wanda Broeksema como Hefe di Mercadeo y Comunicacion cu responsabilidad di promocion, relacion publico y sponsorship pa e mercado di Aruba, Boneiro y Corsou.

  • Garage Cordia lo tin oferta special riba auto Earth Day Celebration

    Garage Cordia lo tin oferta special riba auto  Earth Day Celebration

    ORANJESTAD - E aña aki dia 22 di april 2017 ta Earth Day y Garage Cordia lo tin nan celebracion special pa publico conhuntamente cu Garnier. Desde AWE te cu 21 di April 2017 nan lo tin special riba 5 auto, mientras cu clientenan tin e oportunidad di test e productonan di Garnier. Earth Day specials ta valido te cu Earth Day april 22 , cu compra di un Toyota RAV4 Hybrid lo ricibi como regalo di un Bisicleta Cannondale of descuento.

  • Stichting Musica a cumpli cu debe atrasa na musiconan

    Stichting Musica a cumpli cu debe atrasa na musiconan

    ORANJESTAD - Cu hopi positivismo y orguyosamente Stichting MUSICA a anuncia awe mianta cu nan “Financial Report 2017” di Aruba Caiso & Soca Monarch ta cla y siman pasa a presenta esaki na musiconan. Ta un momento sumamente importante pa Stichting MUSICA, e fundacion cu oficialmente ta organisa Aruba Caiso & Soca Monarch, mirando cu ta resulta cu e stichting a logra cumpli cu nan debe atrasa na musiconan di 3 aña pasa te cu 2017. Stichting MUSICA a bisa tambe cu lo sigui traha den forma profesional y cu un reto nobo pa engrandece e festival pa 2018.

  • Powered by SETAR