ORANJESTAD - Diahuebs hunto cu esnan presente y media local e team di Garage Cordia a revela e auto cu ta spaar bo placa. Hopi ta esnan cu por a nota ultimo simannan via diferente media di comunocacion relatonan di un auto cu lo bay spaar bo placa. Asina aki tambe den transcurso di siman cu a pasa por a tuma nota di e promo team di Garage Cordia cu tabata duna florin na esnan cu a brake pa nan riba cayanan rond di Aruba.
“Esaki sigur ta algo grandi pa Aruba”, Director di Garage Cordia Danilo Werleman a cuminsa ta bisa,”Nos a traha duro pa logra haya e auto aki na Aruba. Nos na Aruba gusta nos SUV nan. Wel awor tin e prome SUV Hybrid na Aruba tambe. Anto un modelo tan gusta manera e RAV4”.
Hopi bes hende ta bruha auto nan Hybrid cu auto nan Electronico. Un auto Hybrid no mester plug den coriente pa e por core. E auto nan aki nan mes ta charge nan mes door di e energia nan cu e auto ta genera door di entre otro brake. Awor esaki no ta bay perdi pero ta wordo comberti den coriente.
Door cu e autonan cu technologia Hybrid ta uza menos gasolin pa km e emission cu e auto ta saca y cu ta causa e tan conoci “Greenhouse gases” ta mucho menos tambe cu un auto conventional. Pues band abo ta bai scapa placa cada luna bo ta contrubui tambe na nos medio ambiente tambe
Awendia auto nan Hybrid nan prijs nan ta particamente mescos cu nan ruman nan convencional. Unico diferencia ta cu bo lo bai spaar hopi placa na gasolin y servicio di auto. Si bo por baha bo consumo di gasolin pa luna cu mas di 50% y spaar placa bo lo no kier esaki? Esaki lo duna abo mas espacio den bo cartera pa haci otro cosnan cu bo placa. Awor e pregunta ta keda na cada ken ki auto nan kier cumpra. Uno cu menos gasto pa luna of un cu gasto nan ta keda subi cada luna?
Pasa bishita Garage Cordia awe mes pa asina bo por admira y test drive e Toyota RAV4 Hybrid aki y comproba pa bo mes cu esaki ta mucho mas cu djis un SUV. Paso nos ta sigur cu e SUV aki lo bai spaar bo placa! Keda altanto di tur e promocion nan di Garage Cordia via nan website www.cordiaaruba.com y nan Facebook page Cordia.
ORANJESTAD - Den e prome kwartaal di 2024, por spera cifranan prometedor y solido pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA ta raporta diahuebs. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’.
ORANJESTAD – Diahuebs 14 di maart, Minister di Turismo y Salud Publico Sr. Dangui Oduber a ricibi un invitacion pa bishita Aruba Boutique and Art Hotel cu lo habri nan porta dia 1 di April 2024. Un boutique hotel nobo den curason di Palm Beach cu lo forma parti como miembro di e marca Best Western Signature Collection.
ORANJESTAD – Diaranson mainta 27 di maart Prome Minister Evelyn Wever-Croes hunto cu colega Minister di Finansa Xiomara Maduro a biaha pa Corsou pa reunionan importante den cuadro di e tema di ENNIA.
MIAMI – E compania hotelero Four Seasons awor tambe ta sigui e trend di e compania Ritz-Carlton cu a inicia cu nan coleccion di yate luhoso estilo crucero. E compania a anuncia cu nan tambe ta drenta den e negoshi ey, di ‘espacio di crucero luhoso ultra chikito, cu su prome yate den construccion na Italia. E prome destinacionan ta conoci y ta pa Caribe, cuminsando na 2026. E temporada Caribense lo core di januari pa maart 2026 cu parada na St Barth, Nevis, the Grenadines, Saint Lucia, Barbados, Martinique, Curacao, Aruba y Guadeloupe. Cada bapor lo tin solamente 95 suites, cu ta 50% mas espacio pa persona cu cualkier otro crucero. Cada camber lo tin bentanan gigante di vloer te plafond, hopi vanidad den e bañonan y terras priva. Asina e presidente y CEO di Four Seasons Alejandro Reyna a sigura.
ORANJESTAD – CEO di Aruba Hotel & Tourism Association Tisa LaSorte, recientemente durante e programa Noticiacla LIVE a pidi pa hende na Aruba no bay protesta contra turista na Aruba riba e desaroyo di turismo. Den e video, e ta splica e peticion mas amplio.