- Den apenas 2 siman despues di a huramenta, gobierno di St. Maarten a cay
- DVG ta alerta pa e menasa global di sarampi
- Mientras cu MPR ta investigando, awe coriente a bay no un, pero tres diferente biaha na Aruba
- Fiscal a pidi 13 aña di prizon reparti entre 6 sospechoso den Corte di Apelacion pa Avestruz
- Corte: Lo trata caso pa Sevinger paga casi un miyon florin bek, despues cu apelacion Avestruz termina
Conseho di RvA ta pidi pa ‘skibi ley pa CAFT’ di nobo
ORANJESTAD – E conseho di Raad van Advies (RvA) cu gobierno di Aruba a ricibi awe mainta, ta sugeri pa gobierno skibi e ley ‘Aruba Financieel Toezicht’ (AFT) di nobo. Esey a pone cu awe mainta (taba)tin un core core den seno di gobierno. Fuentenan a confirma na NoticiaCla.com cu e conseho cu a keda entrega awe mainta ta devastador y cu e conseho ta indica cu mester ‘skibi practicamente henter e ley di nobo’. Esey ta pone gobierno den un spot fastioso, ya cu e ta pone cu no por keda cla pa pasa e ley prome cu 1 di augustus. Consecuentemente awe mainta tabatin (y ainda) tin un sin fin di yamada pa wak ‘con por soluciona e problema aki’.
SIMAN PASA
E ley mester a keda cla siman pasa, pero diabierna a sera sin cu e conseho di RvA a keda entrega. Awe mainta porfin esey a sosode, y manera cu esaki a sosode, e la crea e histeria necesario, mirando e resultado di e ley. Ta keda awor na gobierno di Aruba pa mira si e ta adapta e ley segun conseho di RvA, of ta pone un banda y mande asina mes pa parlamento trate pa e keda cla na tempo. Di otro banda, NoticiaCla.com a compronde cu e ley ‘lo por wordo’ adapta basta lihe y cu toch por keda cla na tempo.
TARDANSA REUNION
Tabata diasabra cu NoticiaCla.com a raporta e comentario di presidente di parlamento di Aruba Marisol Lopez Tromp riba e tardansa di e ley AFT. "No tin parlamentario wantando nan rosea te ora Laft drenta". Asina presidente di parlamento Marisol Lopez a bisa NoticiaCla.com den fin di siman. Parlamento di Aruba ainda no a haya e concepto di ley LAFT cu mester oficialisa e colegio di supervision financiero pa Aruba CAFT. NoticiaCla.com a haya confirmacion cu diabierna e ley no a yega na Parlamento y cu e ta na Raad van Advies (RvA), ainda. Cu esaki na bista, parlamentarionan ta den un dilema pa cu nan vakantie. Pero informacion cu premier Eman ‘lo a pidi parlamento pa cancela reces pendiente e tratamento’ a keda desmenti diasabra mainta na NoticiaCla.com pa Lopez.
ORDEN DI ’ARIBA’
E informacion cu tabata circula for di diabierna, tabata indica cu parlamentarionan ta rabia riba e situacion y cu nan lo kier ‘luz berde’ di Eman, pa bay cu vacacion ya cu ta mira cu no ta alcansa toch mas pa pasa e ley LAFT prome cu 1 augustus. Esey ta e fecha riba cual e ley mester ta pasa, conforme e protocol firma 2 di mei entre Hulanda y Aruba. Eman lo a bisa parlamento cu no por bay cu vacacion y cu nan lo mester ‘si ta necesario’, pasa e ley den un dia.
COOPERACION ENVEZ DI ORDEN
Segun Lopez, e ta desmenti e informacion ey. “Na mi sigur cu no. Mi ta kere mas bien e lo pidi cooperacion ora cu e sinti necesidad of e interes pa nos pais” Lopez a bisa. “Opdracht e no por duna Staten”. E la recorda cu parlamento ta den pleno reces aworaki te dia 17 di augustus proximo. “Cu ami sa, no tin Statenleden wantando nan rosea aden te ora Laft drenta. Sino nan lo a stik caba” Lopez a sigui bisa.
OLV NO TEY AINDA
E ta sigui splica cu si e OLV (e ley) no a yega Staten, y si e OLV no ta cla pa entrega na Staten tampoco aparentemente, e ora e pregunta mester ta dirigi na gobierno pa check kico e status dje OLV ta. “Staten ta cuminsa cu su proceso pa boek in y reparti e OLV na tur Statenleden ora cu un ley drenta ‘oficialmente’ na Staten. Esey no ta e caso ainda almomento cu e OLV aki. Staten no a ricibi e OLV ainda!” Lopez a bolbe reitera.
CANA PROCESO
Ademas segun Lopez, e esencia ta cu si e OLV no ta cla pa bin Staten, of cu ainda e mester bay wordo adapta of coregi despues cu e sali for di Raad van Advies (RvA), cu “ logicamente e no tey drenta Staten pa e siman aki”.
RAAD VAN ADVIES
Manera indica caba, for di fuentenan fidedigno mientrastanto, e website aki a compronde cu te cu diabierna e ley ainda tabata na RvA y cu posiblemente te otro siman esaki lo a keda entrega na gobierno bek. E proceso e ora mester ta cu gobierno tin cu adapta esaki basa riba conseho di RvA, prome cu e por drenta parlamento (Staten). Despues ta sigui un reunion di comision central pa trata e ley, y e ora numa, por trata e reunion den un session publico, y aproba esaki.
Pionero den turismo sr. Micheal Kuiperi a ricibi un reconocemento di excelencia di gobierno di Aruba
ORANJESTAD – Recientemente Ministernan Maduro y Croes a ricibi e pionero den turismo di Aruba, sr. Micheal Kuiperi pa asina den nomber di Minister President Evelyn Wever-Croes entrega na su persona un Reconocemento di Excelencia di Gobierno di Aruba.
Mericanonan di MPR a yega pa investiga problema di coriente na Aruba
ORANJESTAD – Manera anuncia, un grupo di ingeniero Mericano di e compania MPR di Washington a yega Aruba diahuebs y mesora a reuni cu e directiva di NV Elmar pa atende cu e problema di coriente na Aruba. E grupo aki tin un siman tempo pa investiga kico e problema ta y kico mester haci pa resolve esaki. A compronde cu mas probable, e problema ta conoci, esta cu ta trata di mal mantencion, y cu esaki mester sosode den un forma acelera.
VIDEO: Problema cu director di DIMAS no tabata nunca personal
ORANJESTAD – E problemanan cu e tabatin cu director di DIMAS, Kathy Paskel, no tabata personal. Diahuebs anochi durante e programa Noticiacla LIVE pa prome biaha e minister encarga cu e departamento, a papia habiertamente riba e tema aki. E ta admiti tambe cu su plan pa Dimas tabata uno bon, pero e la faya cu e ehecucion, pa cual e la perde tur e casonan contra e director.
VIDEO: Glenbert Croes personalmente ta pensa cu fayo di coriente debi na blaas di helium ta parse intencional
ORANJESTAD – E problema di coriente relaciona specificamente cu blaas di helium, segun Glenbert Croes, personalmente ta considera esaki algo intencional. Durante e programa Noticiacla LIVE diahuebs anochi, e la duna su comentario riba kico e ta pensa cu diripiente ‘blaas di helium’ ta un di e causanan di e problema. E ta considera esaki un complot, posiblemente di opositornan politico, specificamente awor cu e caso di Avestruz ta den corte.
Croes: Otro luna ta haya claridad riba e futuro di proyecto LNG pa Aruba
ORANJESTAD – Otro luna ta bira conoci kico ta pasa cu e proyecto di LGN pa Aruba. Asina minister di energia Glenbert Croes a bisa den e programa Noticiacla LIVE. Pa fin di juni, durante un reunion cu e grupo, ta bin sa ki fecha ta bay keda cla, y of si e proyecto ta sigui. Varios parti di e proyecto ta cla, pero tin cierto cosnan cu ta tranca ainda. Pero ora cu e tin un reunion cu nan proximo luna, lo tin claridad definitivo riba e futuro di LNG na Aruba. Pa wak e programa completo, click AKI.
Wever-Croes: Kier bin cu caretera dwars door di refineria pa conecta San Nicolas miho cu Secrets Hotel
ORANJESTAD – GObienro ta evaluando pa bin cu un caretera cu ta pasa dwars door di e (tereno di) refineria di Aruba y yega na e proyecto hotelero cu ta bira Secrets Hotel na Baby Beach y besindario. E intencion ta cu asina, e caminda ta bira mas cortico pa yega e hotel, enbez di pasa full rond den Colony. Diaranson mainta Prome Minister Evelyn Wever-Croes a haci un recorido riba e tereno di RDA (Refineria di Aruba) pa mira asina diferente aspectonan di e refineria y e proyecto specifico aki cu ta wordo planifica door di DOW.
Follow NoticiaCla
