- Marinierskazerne na Savaneta ta cla pa otro opendag riba 1 di mei
- Prome Minister Evelyn Wever-Croes ta invitado den Noticiacla LIVE awe!
- Aruba Birdlife Conservation kier claridad riba e tema di Isla di Oro
- Mericano sentencia pa declaracion falso di bancarota despues di a bay un vacantie na Aruba
- Tres coredo di Aruba ta riba e Wall of Fame mundial di marathon, cu Lana Gobert como e unico femenino
A.T.A.: Por Mira Documentario Blue Lizard Effect via nos Planta Nacional TeleAruba
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.
Un documentario cu ta carga e nomber di ‘Blue Lizard Effect’ mihor conoci como e Cododo Blauw, cu ta un lagadishi tipico di Aruba cu ta resalta caracteristicanan importante; renobacion y generacion, adaptibilidad y flexibilidad, sabiduria y observacion, intuicion y aventura.
E serie ta conta cu cuater episodio captivante segun e cuater elementonan natural. E elementonan aki ta wordo traduci na un manera captivante cu ta pone nos analisa, pensa, y ta invita nos pa refleha riba nos mesun relacion cu naturalesa y como ser humano.
Retonan manera cualquier pais semper lo existi, pero e bondadnan cu Aruba ta ofrece na nos y na hopi cu ta scoge pa bishita ta hopi! Cu e episodionan aki inspira miyones di persona internacional y cu e sirbi di inspiracion pa nos mesun nacion; sigui duna bo maximo tur dia, pa hunto nos hiba nos pais den e rumbo desea.
Episodio 1: Awa – 18 di april 2024: Bula den e presente mientras Jason Silva ta explora e importancia di biba riba un isla Caribense manera Aruba. Descubri e influencia profundo di e laman segun cultura y identidad Arubiano den wowo di tres persona local cu ta inspira y conecta cu e forsa elemental aki.
Episodio 2: Tera – 25 di april 2024: Den e episodio di Tera, Jason Silva ta uni su mes na buskeda pa redefini felicidad mientras cu e ta explora e orígen historico y mistico di Aruba. Segun exploracion di pasado di e isla, Silva ta cuminsa un biahe di auto-desubrimento y iluminacion.
Episodio 3: Biento – 2 di mei 2024: Sinti e forsa elemental di e biento mientras Jason Silva ta encontra cu e importancia di aire den formacion di e identidad di Aruba y su concepto unico di felicidad. Explora con e paisahe di e isla ta wordo forma segun forsanan di naturalesa, lagando un marca permanente riba su hende.
Episodio 4: Candela – 9 di mei 2024: Encontra cu e poder transformador di candela mientras cu Jason Silva ta revela e esencia di e "Blue Lizard Effect" y su impacto profundo riba evolucion di Aruba. Experiencia e origen di e isla y e spirito di renovacion constante y transformativo.
Ta recorda cu fuera di esaki por mira e episodionan tambe entrante 17 di april na MAX, y tur diaranson durante 4 siman consecutivo riba e siguiente canalnan:
- Warner Channel: 8pm, ripiticion diahuebs 11:30am.
- TNT: 6pm, ripiticion dialuna 11am.
- Discovery: 4:30pm, ripiticion diabierna 8:30am.
Marinierskazerne na Savaneta ta cla pa otro opendag riba 1 di mei
Prome Minister Evelyn Wever-Croes ta invitado den Noticiacla LIVE awe!
ORANJESTAD – Awe nochi e invitado di e programa Noticiacla LIVE ta Prome Minister di Aruba Evelyn Wever-Croes. E programa lo ta uno en bibo manera semper, cu preguntanan skerpi lansa pa periodista Tito Laclé, y e lo cuminsa pa 9’or di anochi riba tur Plataforma di noticiacla.com esta e website, e app y e pagina di Facebook. Un cantidad di topico lo keda trata, y bo ta keda invita pa wak e desenlace di e programa. No perde! Awe nochi 9’or!.
Aruba Birdlife Conservation kier claridad riba e tema di Isla di Oro
ORANJESTAD – E fundacion Aruba Birdlife Conservation (ABC), conoci pa ta defende naturalesa, pahra y tur otro aspecto di medio ambiente di Aruba, kier claridad riba e tema di Isla di Oro. Pa medio di un rapport cu nan a publica recientemente, yen di informacion y documentario existente, e kier ‘claridad mei mei di misinformacion’. “Mei mei di debatenan recien y malinformacion riba e status di Isla di Oro, e rapport aki ta boga pa claridad” e conclusion di e documento ta bisa. “E ta enfoca e urgencia constante pa proteha Isla di Oro y ta confirma su tarea den mantencion di e salud di Aruba su estado ecologico”.
Grupo a protesta pa Medio Ambiente riba Dia di Rey na acto protocolario
ORANJESTAD - Diasabra 27 di April, riba dia di rey, un grupo di cuidadano concerni a protesta durante e protocol di gobierno. E mensahe cu e grupo kier a trece dilanti ta entre otro: pa duna naturalesa un prioridad, pa para e construccion di hotels, pa tuma e crisis di medioambiente na serio, pa relfeha riba e efecto nan colonial di Hulanda, y pa tin accion pa cambio di clima.
Cantante Yeison Jimenez ta confesa con e la droga na Aruba y hera daña su concierto aña pasa
BOGOTA – E conocido cantante Colombiano Yeison Jimenez a confesa cu droga a hera daña su presentacion di concierto aña pas ana Aruba. Den un entrevista cu e programa radial ‘Los 40 Colombia’, e la conta un anecdota di loke a sosode cu ne Aruba aña pasa. Por corda con na April di aña pasa riba un diasabra, e mester a bin Aruba pa duna concierto, pero a wordo debolbe bek riba e mesun avion debi na problema di permiso. Un dia despues, riba diadomingo 16 di April 2023 e la bolbe, pa cumpli cu e concierto. Ta durante e concierto aki, cu su episodio a tuma lugar.
Presentadora di television Hulandes a tende di su Condecoracion Real mientras cu e ta na Aruba
ORANJESTAD – Conocido presentador di television Hulandes Yvon Jaspers a tende cu e ta un condecorado Real, ora cu e tabata na Aruba e siman aki. E la yega Aruba diahuebs, y a haya e yamada diabierna mainta. Pesey e no por a ricibi e premio personalmente. Tabata alcalde di Loenen aan de Vecht, di su premio, cu e la ricibi pa su trabou di television. E ta enfoca riba e bida di cunukeronan Hulandes entre otro.
Follow NoticiaCla
