Lasten: Arubiano por studia turismo tambe na Vietnam

Posted on 11/13/2017 3:14 pm AST | Updated on 11/13/2017 6:09 pm AST

ORANJESTAD - E recien lansa Bachelor of Tourism & Hospitality Management na RMIT University di Vietnam ta ofrece un oportunidad unico pa e studianteann di Aruba cu ta considerando un carera den e industria di turismo y hospitalidad. Profesor Earney Lasten, lider di e Disciplina pa e Tourism & Hospitality Management Program, a bisa cu e programa aki lo permiti e studiantenan pa forma parti di un generacion di lidernan cu por traha enfaticamente tanto den e organisacionnan internacional como local.

“Studia e Bachelor den Tourism & Hospitaly Management na RMIT Vietnam ta un via ideal si bo gusta conoce hende nobo y experimenta e desafionan nobo tur dia”, profesor Lasten a bisa. “Bo ta siña di “pensa riba pia”, mientras bo ta creando e experiencianan magico pa bo clientenan.

Como un Arubano cu a traha di cerca cu gobierno Arubano riba varios proyecto como tambe riba e creacion di Aruba Nation Park, profesor Lasten tin un mensahe pa tur studiante Arubano: “E estudio di Bachelor den Tourism & Hospitality Management na RMIT VIetnam ta habri su portanan pa e careranan excitante den industria di servicio mas importante di mundo: hotel, e aeroliñanan, e destinacionnan turistico di bo soño, hospitalidad y mucho mas”.

“E estudio aki ta destaca for di otro estudio, ya cu nos studiantenan ta beneficia di un pasantia di e industria di 12 siman den su ultimo semester. Esaki ta desaroya su habilidadnan practico, e ta yuda na compronde e rekisitonan di e mercado y ta yuda na acelera un carera exitoso.”

“E studiantenan ta desaroya tambe e habilidadnan interpersonal y e atributonan specifico enfoca riba e carera, vital pa e exito den e industria apasionante”.

RMIT Vietnam ta e principal centro Asiatico di operacion di RMIT University, e institucion terciario di tecnologia, diseño y empresarial, cu sede na Melbourne. Cu e campusnan cu ta cumpli cu e standardnan internacional den e ciudadnan grandi, manera; Ho Chi Minh y Hanoi, RMIT Vietnam ta ofrece un experiencia excepcional pa e studiantenan internacional, di estudio den extranhero y di intercambio. E studiantenan cu ta cerca di otro destinacion internacional (Singapur, Malasia, Tailandia, China, Filipinas, Laos, Cambodia, Australia, Nueva Zelanda y mucho mas).

E universidad ta ofrece e programanan empresarial, tecnologia, comunicacion, diseño y moda y ta orguyoso di ofrece un impresionante gama di actividad den e areanan di interes. Su programanan terciario ta reconoci internacionalmente y ta proporciona un enfoke global y sostenibel. E studiantenan di RMIT Vietnam ta beneficia di e vinculonan fuerte di e industria y un gama di personal academico altamente califica di tur parti di mundo.

  • Vd Berg: Ta pone bestianan na afmaakhok drumi di forma humano

    Vd Berg: Ta pone bestianan na afmaakhok drumi di forma humano

    ORANJESTAD – Servicio veterinario ta pone tur bestia cu keda laga atras na e asina yama ‘afmaakhok’ of ‘kill cage’, drumi den un forma responsabel, humano y segun standard internacional. Asina hefe di e departamento Riem vd Berg a sigura durante un conferencia di prensa dialuna atardi. E conferencia tabata uno di urgencia, den un intento pa evita cu diamars awor un grupo di persona tene un accion di protesta na e sitio. Vd Berg a purba sigura na varios momento cu ta e unico forma cu tin aworaki pa resolve e problema di sobre poblacion di bestia. E otro forma segun vd Berg, ta concientizacion pa ta un doño responsabel di bestia.

  • Kock: Protesta mester cambia maneho di Kill Cage na Wayaca

    Kock: Protesta mester cambia maneho di Kill Cage na Wayaca

    ORANJESTAD – E forma con departamento veterinario ta pone cacho y pushi drumi, ta cuestionable. Como tal un di e fundacionan cu ta rescata bestia riba caya, Crijojo Trappers ta protesta diamars atardi 5’or na e ‘popularmente’ yama Kill Cage of ‘Afmaakhok’ di veterinaire dienst na Wayaca. E meta segun e lider di proyecto Mervine Kock, ta pa concientiza nos hendenan kico ta tuma lugar eynan y pa trece cambio na e proceso cu ta pone e bestianan drumi. Asina Kock a bisa den e programa NoticiaCla LIVE riba Facebook.

  • Segun Venezuela, cambio di ultimo ora di Hulanda a tranca acuerdo

    Segun Venezuela, cambio di ultimo ora di Hulanda a tranca acuerdo

    ORANJESTAD - 'Debi cu Hulanda a haci dificil na ultimo ora, e acuerdo entre esnan cu a reuni diabierna pa mas di 6 ora largo, no a keda aproba'. Fuentenan na Caracas di NoticiaCla y prensa Venezolano cu tabata presente, a bisa despues di nan regreso diabierna anochi. Tabata durante e ultimo parti di e negociacion, cu Hulanda kier a trece cambio den un paragrafo, pa cual e delegacion Venezolano a bisa cu nan mester haya aprobacion na Caracas prome, ya cu e cambionan di 'ultimo ora', nan no ta autoriza pa aproba riba nan mes. Esey a pone cu mester a para e reunion y keda pendiente pa un aprobacion pa despues nan firma e concepto di acuerdo, definitivamente diahuebs awor durante un otro reunion na Aruba. Kico e cambio ta, no ta conoci. Foto ta di delegacion Venezolano durante e reunion di diabierna ultimo.

  • ATA a firma acuerdo cu hotel management school Maastricht

    ATA a firma acuerdo cu hotel management school Maastricht

    ORANJESTAD - ARUBA TOURISM AUTHORITY A FIRMA ACUERDO CU HOTEL MANAGEMENT SCHOOL MAASTRICHT ORANJESTAD – Recien, Oficina di Turismo di Aruba a firma un acuerdo cu Hotel Management School Maastricht (HMSM) un acuerdo pa asina eleva e nivel di servicio aun mas den nos sectornan di hospitalidad y turismo, den su totalidad. Esaki mas cu claro por medio di e Aruba Certification Program (ACP).HMSM, un institucion reconoci mundialmente, ta bay desaroya conhuntamente cu ACP diferente modulo di curiculo di servicio, como tambe entrena nos profesionalnan local pa asina consecuentemente sigui transmiti e conocemento aki na nos forsa laboral riba tur nivel. Pa haci esaki posibel, HMSM a bin ta haci desk research den december y awo a bishita Aruba pa combersa cu nos socionan riba diferente topico pa por identifica y compronde miho e contexto cultural, comercial y turistico di nos sociedad. Consecuentemente lo crea y incorpora un standard di calidad den nos servicio cu ta den linia internacional y di es manera aki lo desaroya un programa conforme necesidadnan den nos mercado y bao di nos hendenan. Mediante e acuerdo aki, Aruba Certification Program lo conta cu manualnan di entrenamento y materialnan relevante pa e curso, entrenamento di nan personal y un curiculo di servicio. Introducion di e cursonan nobo lo tuma luga den e luna di maart / april proximo. Esaki ta nifica cu banda di e programa actual, pronto ACP lo expande locual ta ofrece na cursonan y lo ahusta e programa actual asina tumando e oportunidad pa update un cu e otro. Expansion di e cursonan ta wordo desaroyo a base di feedback cu a ricibi e siman aki. Hotel Management School Maastricht ta forma parti di e ZUYD University of Applied Sciences na Hulanda. E ta consisti di tres departamento cu ta: e scol mes cu tin mas di 65 aña di trayectoria educacional, produciendo rond di 250 hoben profesional pa aña, hobennan cu ta wordo selecta pa forma parti di e skol; e Teaching Hotel Chateau Bethlehem reconoci internacionalmente como un centro di aprendisahe y desaroyo maneha door di studiantenan; y e HMSM Hospitality Consultancy cu ta un grupo di profesionalnan cualifica cu ta conecta e conocemento di HMSM cu e mundo di hospitalidad internacionalmente. E ultimo aki ta esun encarga pa desaroya e programa pa Aruba Certification Program. Aruba Certification Program a wordo crea na 2011 cu e proposito pa eleva e nivel di servicio. Awe orguyosamente ACP a logra certifica alrededor di 4000 particpante . Oficina di Turismo y ACP a haya den Hotel Management School Maastricht un socio cu cual ta desaroya e componente specifico di servicio den e programa existente y cu cual lo amplia e oferta di cursonan bao di ACP. E desaroyo aki ta den linea cu e plan ‘Cu Mira Pa Futuro’, unda ta delinea tambe e necesidad di enfoca riba mehoracion di e servicio cu nos ta brinda nos bishitantenan en general.

  • Delegacion Venezolano a yega Aruba pa reuni riba impasse

    Delegacion Venezolano a yega Aruba pa reuni riba impasse

    ORANJESTAD - Un delegacion Venezolano a yega Aruba diabierna atardi como parti di e reunion pa resolve e impasse cu tin entre Venezuela y islanan ABC. Fuera di e yegada di e delegacion, tin tambe representante di Hulanda y Corsou. Keda pendiente pa e resultado di e reunion. Manera NoticiaCla a raporta caba, diabierna mainta Venezuela a informa cu a prolonga e medida contra islanan ABC. Pero  siman pasa cu e presidente Venezolano a sorprende tur e islanan y Hulanda cu e desicion pa cera frontera cu islanan ABC pa motibo di contrabanda entre e islanan y Venezuela. A duna e islanan 3 dia pa resolve e problema, pero esaki no a logra. A prolonga esaki pa tres dia pa diabierna atrobe cu 3 dia. 

  • Directora di impuesto a entrega keho awe riba caso falsificacion sticker pa auto

    Directora di impuesto a entrega keho awe riba caso falsificacion sticker pa auto

    ORANJESTAD – Directora di departamento di impuesto Luenne Gomez Pieters a entrega keho oficial na recherche awe merdia. E keho ta basa riba un post riba Facebook cu lo a duplica un sticker di motorrijtuigbelasting. A actua mesora y a haci keho na polis. A mustra cu no por duplica esaki y e ta bira illegal. Cu e entrega di keho aki, departamento di impuesto kier a manda un señal hopi cla cu no ta tolera nada di esaki. “Nos ta haci keho di cualkier keho di algo (asina) cu sosode” Gomez a bisa. E post en particular ta e sticker di e color fuxia. A duna e oferta pa bende e sticker aki pa 100 florin, cu ta duna e indole cu bo ta haci negoshi cu un documento oficial di departamento di impuesto. Tin e team di control y tambe di FIOT cu ta haci investigacion riba tereno di cualkier asunto di falsificacion manera nummerplaat, aangifte di belasting of cualkier otro cos asina. Ta prohibi pa ley pa reproduci algo asina den un forma illegal. E keho oficial a keda entrega awe merdia.

  • Powered by SETAR