DEN HAAG – Tur nomber di esnan cu ta forma parti di Gabinete Mark Rutte III ta conoci. NoticiaCla a presenta mayoria di e nombernan, faltando algun. Pero diabierna (awe) Rutte a presenta e lista official despues di a reuni finalmente cu e lidernan di partido cu ta forma parti di e coalicion. Mas probabel, segun e portal nu.nl, e gabinete lo keda presenta dia 26 di october proximo. Mientras cu e nombernan ta conoci, ainda nan mester pasa screening y por nenga nan funcion. Loke ta sigur, ta cu tin 16 minister, y ocho secretarionan di estado reparti den 12 ministerio. Di e ministernan, lo tin 6 presenta pa VVD, 4 pa CDA, 4 pa D66 y 2 pa Christen Unie. Fuente www.nu.nl y ANP.
Finanzas Wopke Hoekstra (CDA, minister) Menno Snel (D66, staatssecretaris)
Sociale Zaken y Labor Wouter Koolmees (D66, minister) Tamara van Ark (VVD, staatssecretaris)
ASuntonan Economico y Clima
Eric Wiebes (VVD, minister) Mona Keijzer (CDA, staatssecretaris)
Agricultura Carola Schouten (ChristenUnie, vicepremier en minister)
Seguridad y Husticia Sander Dekker (VVD, minister Seguridad) Ferdinand Grapperhaus (CDA, minister Husticia) Mark Harbers (VVD, staatssecretaris Imigracion)
Defensa
Ank Bijleveld (CDA, minister) Barbara Visser (VVD, staatssecretaris)
Enseñansa, Cultura y en Sciencia
Arie Slob (ChristenUnie, minister) Ingrid van Engelshoven (D66, minister)
Salud, Bienestar y Deporte
Hugo de Jonge (CDA, vicepremier y minister) Bruno Bruins (VVD, minister) Paul Blokhuis (ChristenUnie, staatssecretaris)
Binnenlandse Zaken y Koninkrijksrelaties
Kajsa Ollongren (D66, vicepremier y minister) Raymond Knops (CDA, staatssecretaris)
Buitenlandse Zaken
Halbe Zijlstra (VVD, minister)
Infrastructura y Medio ambiente
Cora van Nieuwenhuizen (VVD, minister) Stientje van Veldhoven (D66, staatssecretaris)
Buitenlandse Handel en Ontwikkelingssamenwerking
Sigrid Kaag (D66, minister)
HILVERSUM – E conocido presentadora di television Hulandes, conoci mas pa e presentacion di e noticianan di Sinterklaas, Dieuwertje Blok (66) ta retira di su funcion. Esaki pasobra e mester haci un operacion cu ta cambia su apariencia. E mester laga amputa su nanishi pa evita cu cancer detecta, ta plama mas leu den su curpa. Asina e la informa den un entrevista na e corant Volkskrant. Cu e entrevista, e ta purba prepara hende pa e ‘spanto grandi’ manera e mes ta yama e situacion.
DEN HAAG – Tin chens cu gobierno di Hulanda por stop su actividad riba e red social Facebook. Esaki pasobra e compania madre di e compania, esta META, no ta dispuesto pa adapta cierto risico pa loke ta informacion personal di persona. Asina secretario di estado Hulandes Alexandra van Huffelen cu tin e cartera di digitalisacion tambe. Un conseho di ‘Autoriteit Persoonsgegevens’ a confirma den un conseho na e ministerio di Binnenlandse Zaken en Koninkrijkrelaties (BZK) di e risiconan en cuestion y a conseha pa no continua cu nan actividad riba Facebook.
EINDHOVEN – E seleccion di futbol Hulandes PSV tin posibilidad pa titula campeon di Hulanda awe nochi. Awe nochi (ora di Hulanda) tin e partido entre PSV y Sc Heerenveen. Si nan gana, y Feyenoord no logra haya punto contra Go Ahead Eagles, e seleccion di Peter Bosz no por wordo alcansa mas. Hasta si PSV empata contra Heerenveen y Feyenoord perde di Go Ahead, e titulo ta di e ekipo di Eindhoven. Pa PSV, esaki lo ta e prome titulo nacional desde 2018.
DEN HAAG – Arubahuis a tene un Ban Topa diaranzon anochi 24 di April cu studiantenan for di e region di Leiden, Den Haag, Delft y Rotterdam. Esaki a tuma lugar na De Haagse Hogeschool y a conta cu presencia di Minister Plenipotenciario mr. Ady Thijsen, Minister di Finanza y Cultura Xiomara Maduro, Minister di Labor, Integracion y Energia Glenbert Croes y directora di Gabinete di Aruba mr. Joselin Croes. Tambe tabata presente directora di Departamento di Recurso Humano (DRH) Omaira Lares.
DEN HAAG – E partidonan politico cu ta formando gobierno nobo na Hulanda ta deliberando pa haci cambionan drastico den cuido medico, particularmente e suma cu e ciudadano tin cu paga su mes, conoci como ‘eigen risico’, pa e haya e cuido. Nan ta sinti cu e suma actual, 358 euro, ta mucho halto. Y ta pensando pa sea baha esaki na mitar of elimina esaki completamente. E ta un deseo ferviente di e partidonan PVV y BBB. Nan ta kere cu e suma halto di eigen risico ta pone cu hopi ta evita pa haya ayudo medico. E otro dos partidonan VVD y NSC ta mas cauteloso, pasobra si elimina e suma, ta kita e concientisacion cu cuido no ta gratis. E intencion ta pa elimina abuso den cuido medico y ta pone hende pensa dos biaha prome nan bay pa e cuido cu porta ta innecesario. Si elimina e suma, e ta costa e pais 3.6 biyon euro pa aña.
ORANJESTAD/WILLEMSTAD – Pa fortifica e poder di gobernacion riba e islanan di Reino Hulandes den Caribe, Universidad di Utrecht y de Haagse Hogeschool ta cbay ofrece un estudio parcial di ‘bestuurskunde’ hunto cu universidadnan di Aruba y Corsou. Asina e portal utoday di Hulanda ta raporta. E gabinete ta preocupa cu e gobierno di Corsou, segun secretario di estado Hulandes Van Huffelen. E ta plan tambe cu e minister Hulandes di Enseñansa Dijkgraaf a trata recientemente durante su bishita na Aruba y Corsou.