Minister demisionario di Aruba a atende debate riba Gobierno nobo di Hulanda

Posted on 10/12/2017 10:45 am AST | Updated on 10/13/2017 2:14 am AST

DEN HAAG – Minister demisionario di Aruba Juan David Yrausquin a atende e debate riba Gobierno nobo di Hulanda diahuebs. E debate den Tweede Kamer di Hulanda a tuma lugar awe riba e raport final di Informador Gerrit Zalm. Esaki despues cu diamars ultimo e cuater partidonan cu lo forma e coalicion nobo, cu ta VVD di Mark Rutte, CDA di Sybrand Buma, D66 di Alexander Pechtold y ChristenUnie di Gert Jan Segers, a presenta nan programa di gobernacion basa riba e tarea di Informador Zalm.

Yrausquin a presencia e debate aki pa mira di cerca con parlamento di Hulanda ta anda cu e proceso pa formacion di un Gobierno nobo. Ta Tweede Kamer ta apunta un informador of “verkenner” pa cuminsa sondea e posibilidad cerca e partidonan pa yega na un coalicion. Antes esaki tabata wordo haci pa La Reina. ‘Ta hopi interesante pa mira y sigui e proceso aki y sigur por siña dje,’ asina e mandatario a bisa.

Lider di VVD y actual Prome Minister Mark Rutte a keda apunta como formado y awor lo bay cuminsa na busca candidatonan pa e diferente carterenan den su Gobierno. Minister Yrausquin a bisa tambe di ta contento pa mira cu Reino Hulandes a haya hopi atencion den e programa di gobernacion di e futuro Gabinete Rutte III, compara con esaki tabata ta den e programanan di gobernacion den pasado. Na final di e debate Minister Juan David Yrausquin a felicita e cuater lidernan di partidonan cu ta forma e Gobierno nobo di Hulanda. Potretnan ta cortesia di Cas di Aruba

 

  • Minister Plenipotenciario Guilfred Besaril a yega Hulanda

    Minister Plenipotenciario Guilfred Besaril a yega Hulanda

    DEN HAAG  – Minister Plenipotenciario di Aruba na Hulanda Guilfred Besaril a yega awe diaranzon 22 di november Hulanda pa asumi su funcion como representante di Gobierno di Aruba na Hulanda. Na aeropuerto Schiphol e mandatario a keda ricibi pa Juan David Yrausquin como Minister Plenipotenciario saliente y directora interino di Cas di Aruba Shandra John.

  • Agencianan di biahe Hulandes ta menasa cu boycot contra KLM

    Agencianan di biahe Hulandes ta menasa cu boycot contra KLM

    AMSTERDAM (AFN) - Agencianan di biahe na Hulanda ta menasa di boycotea KLM, unda cu ta posibel. Esaki nan ta bisa si un tax nobo, no keda elimina. Asina Financieel Dagblad ta raporta. E agencianan di biahe mara na ANVR y otro sitionan di biahe ta bisa cu e multa cu un pasahero tin cu paga si e no 'book' direct cu KLM, ta absurdo. E multa ta costa 22 euro pa cada buelo ida y buelta. 

  • Mentor: Tene cuenta cu Rotterdam ta hopi conoci y popular bou di studiante

    Mentor: Tene cuenta cu Rotterdam ta hopi conoci y popular bou di studiante

    DEN HAAG  – Vivienda ta un di e aspectonan mas importante cu mester regla na tempo den caso cu un futuro studiante kier bin studia na Hulanda. Den nos serie pa informa studiantenan cu kier bin studia na Hulanda, nos ta concentra e biaha aki riba e ciudad di Rotterdam. Esaki ta esencial mirando cu e ta un ciudad hopi conoci y popular pa studiantenan. Mentor di Arubahuis John Dirks di e ciudad di Rotterdam ta duna informacion y conseho riba loke ta e situacion di camber pa studiantenan cu kier bin studia na Rotterdam pa 2018. 

  • Hulanda: No tini castigo contra polisnan envolvi den morto di Mitch Henriquez

    Hulanda: No tini castigo contra polisnan envolvi den morto di Mitch Henriquez

    SCHIPHOL - Ministerio  publico no a exigi castigo contra dos polis, involuncra cu maltrato di Arubiano Mitch Henriquez na 2015, cu a fayece un dia despues. Asina e portal Hulandes nu.nl ta raporta dialuna mainta.  Segun OM, a conclui cu e agentenan a haya suficiente castigo caba door di impacto di e caso. 'Si nos mira na castigonan impone pa tipo di casonan asina, un culpabilidad sin castigo ta basta", e fiscal a bisa. 'Banda di esey, e agentenan mester a biba 2 aña y mei cu e pensamento cu nan tabata penalmente responsabel pa e morto di Henriquez y cu den media ya caba nan ta culpabel pa su morto". Nan ta sinti cu e pensamento cu Henriquez a muri a consecuencia di strangulamento, no tin base mas. Como tal ta sali di e punto di bista cu Henriquez a fayece di un sindroma di stress agudo. Esey, no obstante e rapport di un patologo di Nederlands Forensic Instituut cu a determina morto a consecuencia di asfixia debi na strangulamento. "E ta para su so den esaki" e fiscal ta bisa, segun e raportahe di Nu.nl. Foto cortesia nu.nl

  • Rey Willem Alexander y Maxima ta bishita Isla Riba fin di luna

    Rey Willem Alexander y Maxima ta bishita Isla Riba fin di luna

    DEN HAAG - Rey Willem Alexander y Reina Maxima ta biaha pa St Maarten, Saba y Statia fin di luna. E ta bira e di dos bishita di e Rey desde cu e islanan a haya un sla di horcan Irma. Despues di e desaster, e Rey acompaña e tempo ey pa minister Ronald Plasterk a bishita e islanan. E bishita siguiente ta di 30 di november pa 2 di december proximo. E biaha aki secretario di estado pa asuntonan di Reino Raymond Knops ta acompaña e pareha Real. Siman pasa e gabinete di Hulanda a aproba pa duna 550 miyon euro pa reconstruccion di St Maarten. Pa e otro islanan Saba y Statia a pone hunto 67 miyon disponibel.

  • Famia Mitch Henriquez ta bandona sala di corte den protesta

    Famia Mitch Henriquez ta bandona sala di corte den protesta

    DEN HAAG/SCHIPHOL - Famianan di e Arubiano Mitch Henriquez y e abogadonan a bandona e sala di corte diahuebs merdia den un forma di protesta na Schiphol. Asina prensa Hulandes ta raporta. E famia y e abogadonan no kier sigui 'legitima' e proceso criminal contra e dos agentenan policial cu ta sospechoso den e caso di morto di Henriquez. Asina e abogado Korver a bisa. Segun e abogado, e famia ta sinti su mes 'abandona' y trata como 'ciudadano di segundo rango'. 

  • Powered by SETAR