Ceramento di caminda y desviacion di trafico na rotonde Cumana

Ceramento di caminda y desviacion di trafico na rotonde Cumana

Posted on 09/12/2017 8:11 pm AST | Updated on 09/12/2017 11:52 pm AST

ORANJESTAD - Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda principal di Oranjestad pa Santa Cruz, cu na e rotonde provisional di Caya Betico Croes y Watty Vos Boulevard,  cu entrante diaranson 13 di september 2017, a cera e caminda entre e rotonde provisional y  Cumana # 77 (direccion Sta Cruz). 

Motibo ta cu lo bay cuminsa cu e trabounan di reconstruccion di caminda en conexion cu e rotonde nobo di Cumana. Lo cera e caminda menciona pa tur trafico den ambos direccion. 

E desviacionnan di caminda ta lo siguiente:

Trafico for di Sta. Cruz direccion Oranjestad, ta wordo desvia via e caminda na Cumana # 77 direccion Noord, despues pasa riba e caminda di Meiveld/ ex- Codemsa y sali na e rotonde diTarabana.  Trafico for di Sta. Cruz direccion Airport, ta wordo desvia via di e caminda na e cas cu adres Cumana # 77 direccion noord, despues riba e caminda di Meiveld pasa patras di ex- Codemsa y despues pa e caminda pabou di ex Codemsa y bek pa e rotonde provisional Cumana direccion Airport.  Trafico for di Airport direccion Sta Cruz, ta wordo desvia via di e caminda pabou di ex Codemsa, riba e caminda di Meiveld pasa patras ex- Codemsa y despues via di e caminda na e cas cu adres Meiveld # 11 direccion zuid y sali bek riba e caminda principal direccion Sta Cruz. Trafico for di Oranjestad direccion Sta Cruz, ta wordo desvia via di e caminda pabou di ex Codemsa, riba e caminda di Meiveld pasa patras ex- Codemsa y despues via di e caminda na e cas cu adres Meiveld # 11 direccion zuid y sali bek riba e caminda principal direccion Sta Cruz.

E ceramento y desviacionan di e caminda lo keda indica cu baricadanan y borchinan di aviso. Trabounan lo tin un duracion di 5 dia di trabou. En conexion cu e trabounan menciona Departamento di Obra Publico ta haci un peticion na tur automobilista pa tene cuenta cu a cambionan den trafico y ta pidi pa tene cuenta cu e inconveniencianan cu lo por surgi pa cual nos ta pidi nos disculpa.

  • Meteo: Aviso pa boto chikito y lama bruto na vigor

    Meteo: Aviso pa boto chikito y lama bruto na vigor

    ORANJESTAD – Segun servicio meteorologico, un aviso pa boto chikito y lama bruto ta na vigor. E areanan afecta ta principalmente region di costa noord, costa di Arashi, high rise y low rise hotels.

  • Simar: Comision lo traha stappenplan pa atende asunto di airco

    Simar: Comision lo traha stappenplan pa atende asunto di airco

    ORANJESTAD – Un comision lo traha stappenplan pa atende asunto di airco na scolnan cu no tin ainda y presenta esaki na e proximo minister di enseñansa. Esey tabata un di e topiconan atende durante un reunion dialuna atardi di e sindicato di maestro SIMAR. Directiva di Sindicato di Maestro di Aruba a yama un reunion di caracter urgente ayera atardi, caminda inicialmente lo a papia di e posibilidadnan con trata cu e dianan calor di e siman aki, ya cu te cu dialuna mainta no a ricibi reaccion di minister riba SIMAR su proposicion. E punto aki no tabata vigente mas, mirando cu net prome cu scolnan primario a termina dialuna, e decision di SKOA y di minister Hooyboer-Winklaar pa alumnonan bay cas mas trempan e siman aki, a drenta. E otro punto pa cual e reunion a ser yama tabata e falta di airco den klasnan rond di Aruba. Tambe a trata e problema cu docentenan di movecion y salud. Tin cu ta traha den solo (merdia), otro no tin un “overdekte” of un sala adecua cu bon ventilacion.

  • Meteo a emiti aviso pa calor excesivo na Aruba

    Meteo a emiti aviso pa calor excesivo na Aruba

    ORANJESTAD – Servicio Meteorologico a decreta un aviso pa calor excesivo pa Aruba valido di 12 pm diamars 19 september te 6 pm diabierna awor, esta dia di eleccion. Ademas ta spera un continuo prolongacion di tempo humedo den e siman aki te weekend aki.

  • A presenta foyetonan yena di informacion riba diabetes

    A presenta foyetonan yena di informacion riba diabetes

    ORANJESTAD - Plataforma Promocion di Salud tin representacion di 7 organisacion y un dokter di cas, esta ImSan, IBiSA, AZV, SVB, Wit Gele Kruis, Hospital y Departamento di Salud Publico como voorzitter. E meta di e plataforma ta pa traha hunto pa prioritisa e problemanan relaciona cu malesanan cronico y pa yega na un comunidad di Aruba cu tin un estilo di bida saludabel.

  • Meteo: Alerta pa lama bruto ta na vigor awor

    Meteo: Alerta pa lama bruto ta na vigor awor

    ORANJESTAD - Un alerta pa lama bruto ta na vigor awor. Un aviso pa boto chikito y lama bruto lo ta na vigor entrante 6 pm diamars, segun servicio meteorologico di Aruba. Areanan afecta principalmente lo ta e region di costa noord, costa di Arashi, high rise y low rise hotels.

  • Animal Care Clinic cu colecte pa mascotanan di Sint Maarten

    Animal Care Clinic cu colecte pa mascotanan di Sint Maarten

    ORANJESTAD – Animal Care Clinic (ACC) ta considera hopi bon iniciativa cu ta organisa un evento pa recauda fondo, cuminda y material pa yuda nos hendenan na Sint Maarten. “ Tur e esfuerso nan aki ta haciendo un diferencia grandi, pero laga nos no lubida e mascotanan di e isla afecta aki”, Natalie Booi di ACC a bisa. “ P'esey nos na Animal Care Clinic kier organisa un colecte” Booi a sigui bisa. “Henter e siman aki por pasa na nos clinica na Paradera 177A durante di nos orarionan di trabou pa laga bo donacion. Por duna cuminda di bleki pa cacho of pushi, collar, leash, heartworm, nexguard y of frontline. Tambe nos lo tin un mesa na Superfood caminda bo por laga bo donacion. Rode Kruis lo precura pa e transport”, Booi a finalisa bisando.

  • NoticiaCla Ad
  • Powered by SETAR