Ceramento di caminda y desviacion di trafico na rotonde Cumana

Ceramento di caminda y desviacion di trafico na rotonde Cumana

Posted on 09/12/2017 8:11 pm AST | Updated on 09/12/2017 11:52 pm AST

ORANJESTAD - Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda principal di Oranjestad pa Santa Cruz, cu na e rotonde provisional di Caya Betico Croes y Watty Vos Boulevard,  cu entrante diaranson 13 di september 2017, a cera e caminda entre e rotonde provisional y  Cumana # 77 (direccion Sta Cruz). 

Motibo ta cu lo bay cuminsa cu e trabounan di reconstruccion di caminda en conexion cu e rotonde nobo di Cumana. Lo cera e caminda menciona pa tur trafico den ambos direccion. 

E desviacionnan di caminda ta lo siguiente:

Trafico for di Sta. Cruz direccion Oranjestad, ta wordo desvia via e caminda na Cumana # 77 direccion Noord, despues pasa riba e caminda di Meiveld/ ex- Codemsa y sali na e rotonde diTarabana.  Trafico for di Sta. Cruz direccion Airport, ta wordo desvia via di e caminda na e cas cu adres Cumana # 77 direccion noord, despues riba e caminda di Meiveld pasa patras di ex- Codemsa y despues pa e caminda pabou di ex Codemsa y bek pa e rotonde provisional Cumana direccion Airport.  Trafico for di Airport direccion Sta Cruz, ta wordo desvia via di e caminda pabou di ex Codemsa, riba e caminda di Meiveld pasa patras ex- Codemsa y despues via di e caminda na e cas cu adres Meiveld # 11 direccion zuid y sali bek riba e caminda principal direccion Sta Cruz. Trafico for di Oranjestad direccion Sta Cruz, ta wordo desvia via di e caminda pabou di ex Codemsa, riba e caminda di Meiveld pasa patras ex- Codemsa y despues via di e caminda na e cas cu adres Meiveld # 11 direccion zuid y sali bek riba e caminda principal direccion Sta Cruz.

E ceramento y desviacionan di e caminda lo keda indica cu baricadanan y borchinan di aviso. Trabounan lo tin un duracion di 5 dia di trabou. En conexion cu e trabounan menciona Departamento di Obra Publico ta haci un peticion na tur automobilista pa tene cuenta cu a cambionan den trafico y ta pidi pa tene cuenta cu e inconveniencianan cu lo por surgi pa cual nos ta pidi nos disculpa.

  • Tecniconan di NV Elmar hopi ocupa e ultimo dianan

    Tecniconan di NV Elmar hopi ocupa e ultimo dianan

    ORANJESTAD - "Nos cuerpo tecnico tin algun dia bastante ocupa, tanto e grupo cu nos tin afo trahando 12 ora pa dia na British Virgin Island, como e ekipo na cas cu ta atendiendo bastante reto tras di otro', asina ing. Elthon Lampe, Customer Relations Manager na NV Elmar a conta na final di un dia bastante ocupa awe. For di algo pasa di 10:00am nan a perde suministro for di WEB y te casi 4:00pm a caba di reconecta e ultimo cas riba nan red di distribucion di coriente.

  • SETAR: Trabounan di mantencion y upgrading ta continua den oranan di marduga

    SETAR: Trabounan di mantencion y upgrading ta continua den oranan di marduga

    ORANJESTAD - Debi na trabounan di mantencion y upgrading riba e red mobil di SETAR, por surgi un interupcion di servicio di data pa cellularnan di SETAR. Trabounan lo tuma lugar diahuebs dia 23 di november 2017 di 01:00 am pa 03:00 am.Sea asina bon di tene cuenta cu e trabounan menciona pa preveni cualkier inconveniencia.

  • WEB: Situacion di coriente na Aruba a normalisa

    WEB: Situacion di coriente na Aruba a normalisa

    ORANJESTAD – E situacion di coriente na Aruba a normaliza Tito pa 3.50 pm WEB a suministra 100% bek na ELMAR. Si tur cos a bay bon na ELMAR, tur bario tin coriente awor.

  • Storing na WEB ta causa pa interupcion di coriente na Aruba

    Storing na WEB ta causa pa interupcion di coriente na Aruba

    ORANJESTAD - Un storing den planta di WEB den oranan di mainta a causa un cadena di interupcion di coriente. E trabou pa recupera suministro di coriente ta mas complica cu a spera na prome instante. Ta calcula cu e interupcion lo dura mas o menos 3 ora. "Nos ta hopi consciente di e molester cu e interupcion di coriente ta causando. Sea sigura cu tecniconan di WEB ta haciendo nan maximo esfuerso pa remedia e storing. Nos lo sigui post updates y ta recomenda pa sigui e mapa cu barionan sin coriente riba e pagina di Facebook di N.V. ELMAR"tabata palabra di voceronan di e dos companianan di utilidad na NoticiaCla.

  • Departamento Verlos y Kraam a uni como uno den New Bed Tower

    Departamento Verlos y Kraam a uni como uno den New Bed Tower

    ORANJESTAD - E mudamento di e departamentonan di Hospital a continua y riba dia 15 di november a muda e departamento di Kraam y Verlos. Renita Blindeling, zorgmanager di e departamentonan a duna di conoce cu e proceso di preparacion tabata uno largo y cu hopi trabou, pero na final a logra pasa tur pashent riba e dia ey mes. 

  • Sinterklaas y su pietnan a yega Aruba no obstante tempo di awa

    Sinterklaas y su pietnan a yega Aruba no obstante tempo di awa

    ORANJESTAD - E homber Santo y un cantidad grandi di piet a yega Aruba diadomingo for di Spaña, y a haya un recepcion basta grandi di mucha y nan mayornan, no obstante e tempo di awa. Pa ricibi e homber Santo, minister recien huramenta Xiomara Ruiz Maduro tabata na pia di waf di crucero pa ricibi'e y tur e pietnan. A haci promesa cu tur mucha na Aruba a haci bon mucha. A sigui un parada for di waf pa Plaza Libertador Betico Croes unda cu ey a sigui un fiesta di Sint, cu yen di stand di cuminda y alegria pa tur mucha. 

  • Powered by SETAR