- AZV: Otro luna tin traspaso automatico di clientenan di dokter Vink pa HOED Piedra Plat
- SETAR a tene su Avigilon ALTA Launch Event cu enfoke riba e futuro di seguridad
- Grupo grandi di ex studiante tin problema pa paga nan Duo lening bek
- CBS: Bestaansminimum a subi atrobe na Aruba debi na aumento di gasto di cuminda
- Figaroa: Proximo gobierno mester consisti di solamente vakministers
OM: Fuera di minister Croes, a detene un trahado di dje
ORANJESTAD - Banda di minister Paul Croes, ministerio publico a confirma awe mainta cu un otro persona tambe a keda deteni, y un dama cu tabata traha na e residencia di e mandatario. Pero despues a bin compronde cu e persona aki a entrega su mes na polis. Procurador general Alexander van Dam a confirma cu investigacion lo determina e legalidad di e dama y si e tabata emplea pa e mandatario. Sospechosonan aki lo wordo poni den detencion.
DETENCION
E sospechosonan deteni awe a wordo poni den beperking.
Esey kiermen cu nan no mag di tin contacto cu ningun hende, aunke si cu nan abogado. Banda di esey tin un ordo contra e minister cu e no mag di haya stukken. E minister lo wordo confronta durante e interogacionnan cu e resultadonan di e investigacion. Pa e motibo ey, Ministerio Publico lo ta hopi reserva ora di duna informacion tocante e investigacion.
HUISZOEKING
Van Dam a sigui splica cu den cuadro di e investigacion, awe mainta a listra den tres lugar (un cas y dos lugar comercial) bou guia di e huez-comisario encarga cu casonan penal. Funcionarionan di LR, RST y Polis tabata envolvi den tuma administracion y portadornan di informacion digital den beslag.
CARGONAN
E sospecho ta cu e ambtelijke corruptie ta encera primordialmente cu e minister di labor anterior tabata pidi y/of tuma placa di soborno en cambio di un exoneracion (ontheffing) di e toets di e mercado laboral. Un arbeidsmarkttoets positivo di parti di DPL (Departamento di Progreso Laboral) of un ontheffing di esaki ta un condicion pa DIMAS saca un permiso di trabou na Aruba. E ontheffingnan tabata wordo saca dor di e minister, den mayoria di e casonan, despues cu DPL a duna un conseho negativo.
Cu e ontheffing aki, stranheronan tabata por a haya permiso di trabou. Durante e investigacion a lanta ademas e sospecho cu e minister a haci su mes entre otro, culpabel na labamento di placa, ambtsmisbruik y pone hende na trabou ilegalmente. Bou guia di Ministerio Publico, Landsrecherche (LR) y Cuerpo Policial di Aruba ta haciendo basta tempo caba investigacion di posibel casonan di soborno (ambtelijke omkoping). E investigacion aki tin e nomber di “Ibis”.
PROCESO
Desde 28 di maart 2017 un total di 30 testigo y 21 sospechoso a wordo scucha. Ocho di e sospechonan ey a wordo deteni pa interogacion. Di e ochonan aki, tres ta ainda den detencion. E sospechosonan cu ta den libertad, ta sigui como sospechoso den e investigacion. E decision tocante cua di e sospechosonan aki lo wordo persigui, lo wordo tuma door di Ministerio Publico na momento cu e investigacion ta cla. Banda di scucha testigonan y sospechosonan, e ekipo investigativo a traha e ultimo lunanan pa analisa e material cu a wordo tuma den beslag te awor. Particularmente e inventarisacion di cosnan digital cu a wordo tuma den beslag (informacion riba computers y por ehempel, telefonnan) ta costa hopi trabou. Scucha e conferencia completo AKI.
Corte: Caso ‘Isla di Oro’ ta sigui fin di luna awor, cu mesun huez
ORANJESTAD – E caso riba proyecto Isla di Oro, cu a para ora cu a purba ‘wraak’ of destitui e huez en cuestion, ta continua fin di e luna aki, esta dia 29 di April proximo. Tabata dialuna cu corte a dicidi cu e peticion pa ‘wraak’ e huez, no ta valido y como tal e huez por continua trata e caso sin mas. For di informacion cu noticiacla a haya, ta mustra cu e caso lo no dura mucho largo mirando cu tabata practicamente na final di e tratamento, cu e peticion di ‘wraak’ e huez a keda solicita. E caso lo cuminsa pa 2’or y mei di atardi.
Corte a rechasa peticion di gobierno pa kita (wraak) huez di caso Isla di Oro
ORANJESTAD – Corte dialuna (tres huez) a dicidi cu e huez cu tabata trata e caso sumario entama pa Parke Arikock contra di proyecto na ex Isla di Oro, por keda trata e caso aki. Cu esaki e ta rechasa e peticion di parti di Gobierno di Aruba pa destitui y reemplasa e huez en cuestion di e caso en cuestion, A.vd L, di e caso, na Hulandes conoci cu e termino di ‘wraken’. Cu esaki, e caso por continua awor cu e huez en cuestion tratando esaki. E abogado di gobierno a demanda pa e huez en cuestion keda destitui di e caso, debi cu tabata parce cu e huez lo a mustra parcialidad pa cu e caso. Ora cu tin un situacion asina, e abogado por pidi pa kita e huez, osea ‘wraak’ e huez.
OM: Awor Aruba tin hende certifica den Terapia di famia multi dimensional
Abogado Gomez: Leynan pa castiga abuso di bestia, ta deficiente
ORANJESTAD – Leynan y castigonan consecuente pa castiga matralto di animal (mascota) ta hopi deficiente. Asina abogado mr Lincoln “Dello” Gomez a constata e fin di siman aki. Segun e abogado, e ta referi na e caso di e cacho cu a conoce un maltrato cu a conduci na su morto finalmente. Cu esaki pueblo a pidi castigo pa e persona aki. Pero segun e abogado, e ta keda desapunta cu e leynan cu tin den un caso semejante. E abogado ta splica den e video.
Manera anticipa pa Noticiacla: Ex minister Besaril a recobra su libertad
ORANJESTAD – Manera cu Noticiacla.com a informa un dia prome, awe diabierna ex minister Guilfred Besaril a recobra su libertad, despues di tabata deteni pa 24 dia. Diahuebs e portal aki a informa cu Ministerio Publico no ta bay pidi pa prolonga e detencion di e ex minister, a lo menos cu Huez Comisario dicidi otro. Den e caso aki, e HC a opta pa bay cu OM, y a laga sr Besaril den libertad. Esey no kier men cu e ta liber di tur cargo, sino cu e no mester ta encarcela mas mientras cu e investigacion den e caso Tulipan ta sigui. E ta wordo acusa di entre otro malusa su funcion di minister, malversacion y estafa tempo cu e tabata den funcion na Hulanda como minister plenipotenciario durante e prome gabinete Wever Croes.
Ex minister Besaril por recobra su libertad diabierna
ORANJESTAD – Diabierna awor (8 di maart) ex minister Guilfred Besaril por recobra su libertad atrobe. Esaki despues di a sinta su dianan den pre aresto. Ministerio Publico diahuebs a confirma pa Noticiacla cu e periodo di 16 dia encarcelacion ta termina diabierna awor, y no tin intencion di pidi prolongacion.” OM no a pidi pa e sigui den detencion, dus una vez su termijn ta cla, hoogstwaarschijnlijk e lo bay den libertad” e vocero Ann Angela a sigui bisa. Esey no ta nifica cu e investigacion a termina. “ E investigacion ta sigui cana” Angela a sigui bisa. Ta solamente cu e termino stipula ta vence. Si e Huez Comisario sinembargo dicidi di prolonga esaki un biaha mas, e lo bira pa 60 dia. Pero mester bisa mesora, cu si esaki ta e caso mes, no ta nifica cu e ex mandatario tin cu keda sinta tur e 60 dianan.
Follow NoticiaCla
