E di 4 edicion Aruba Love Festival cu 19 DJ internacional

E di 4 edicion Aruba Love Festival cu 19 DJ internacional

Posted on 08/12/2017 3:40 pm AST | Updated on 08/13/2017 11:15 pm AST

ORANJESTAD – E di 4 edicion di Aruba Love Festival ta prome siman di november. Asina organisadornan hunto cu Aruba Tourism Authority y patrocinadornan a informa diabierna ultimo. Segun e organisadornan, den su di cuater edicion, Love Festival ta crece atrobe y ta comberti den un festival di bon musica, bon energia y bon experencianan durante un total di cinco dia den luna di november proximo.

INTERNACIONAL

For di inicio, e plan maestro di Love Festival tabata pa den termino di cinco aña ubica e evento na un escala y plataforma internacional; y ta logrando esey tambe. Love Festival ta keda adapta su concepto pa asina participantenan biba e experiencia musical, pero tambe conoce nos isla y su atractivonan natural y cultural. Pa e motibo ey, for di aña pasa, Love Festival ta pone celebracion di Carnaval den enfoke principal, y e aña aki ta bay na e siguiente nivel.

ATA

Aruba Tourism Authority ta comparti e obhetivo di e organisadornan y p'esey for di aña pasa a uni forsa pa realisa e esfuersonan cu ta atrae un mercado nobo y cu gran poder di compra pa nos isla. E ekipo di Love Festival di su banda, ta percura pa cumpli cu tur expectativa pa loke ta trata organisacion, ehecucion y resultado. Ta esencial, y a demostra esaki den pasado, cu ta tene debido cuenta cu seguridad y limpiesa, entre otro aspectonan. E aña aki no lo ta diferencia tampoco. Mester bisa danki tambe na nos publico ya cu semper tabatin un comportacion ehemplar.

CARIBBEAN AREA

Pa 2017, Love Festival ta introduci su ‘Caribbean Area’, adicional na e stage di ‘Love’ y ‘Tech’. Den e Caribbean Area, Love Festival ta bay presenta un repertorio di DJ y agrupacion nan local pa duna e festival un toke mas crioyo y complace asina nos smaak diverso den generonan musical. Nos talentonan local tin e oportunidad di hala atencion di ehecutivonan musical di exterior cu semper ta presente. Den e mesun espacio aki tambe Love Festival ta busca pa traha cu gruponan di Carnaval cu por exhibi nan tema pa 2018 y tambe registra participantenan. Tambe lo tin un Entertainment Zone y un Food Village pa completa e experiencia.

FECHA

Love Festival 2017 lo tuma luga entre diaranson 1 pa diadomingo 5 di november proximo na un localidad cu pronto lo keda anuncia. Adicional na e anochinan di festival, tin varios pool party y otro actividadnan destina pa mustra nos isla na e bishitantenan. Entradanan ya ta obtenibel y ta conseha un y tur pa probecha pa e ofertanan cu tin pa esnan cu cumpra trempan. Disfruta di mas di 19 DJ internacional, 10 DJ local y 6 banda musical. Love Festival ta keda encurasha su dress code blanco, pero expresando bo individualidad cu un toke Carnavalesco.

  • Ruben Blades atraccion principal prome anochi di CSJF 2017

    Ruben Blades atraccion principal prome anochi di CSJF 2017

    ORANJESTAD - Ruben Blades tabata e artista principal pa e prome anochi di e Caribbean Sea Jazz Festival 2017 na Renaissance Arena. Y manera por a spera, e tabata e atraccion cu a hala mas publico. Cu un publico practicamente sold out, Ruben Blades a deleita tur presente den su ultimo presentacion pa Aruba, cu a inclui cancionan clasico manera 'Decisiones' y mas. Fuera di Ruben Blades, tabatin artistanan manera NG La BAnda, Habana Vieja All Stars, Robert Jeand'or, Chris Kross, ASH plays Santana y Oruba. Awe nochi tin artistanan grandi manera Maceo PArker, Shirma Rouse, cu ta rindi tributo na Aretha Franklin, Cory Henry & The Funk Apostles, Zuco 103, Esha and Live expressions, Siegfried Hard, Caribbean Latin Jazz Express y Jamiah Rodgers Band.

  • Ruben Blades a yega Aruba pa CSJF 2017!

    Ruben Blades a yega Aruba pa CSJF 2017!

    ORANJESTAD – E artista principal pa e fin di siman di Caribbean Sea Jazz Festival, Ruben Blades a yega Aruba diahuebs atardi. E festival mes ta cuminsa diabierna anochi. Keda pendiente pa mas informacion di e festival y cobertura total di NoticiaCla.com, completo cu tur e artistanan cu ta forma parti di e evento fuera di Ruben Blades.E fotonan ta cortesia di Laura de Kwant y Caribbean Sea Jazz Festival.

  • Julissa “Julie Julie” Margarita a gana un biahe pa New York City

    Julissa “Julie Julie” Margarita a gana un biahe pa New York City

    ORANJESTAD - Diabierna dia 1 di september a celebra Dia di Prensa aki na Aruba y Aruba Bank a pasa cerca diferente miembro di prensa pa asina duna un regalo bunita. Tambe a bin cu e oportunidad pa un miembro di prensa gana un pasashi pa New York City. E fabuloso locutora Julissa “Julie Julie” Margarita a bira ganado di e pasashi y lo disfruta di un par di dia na New York City.

  • Aruba Bank a sorprende Prensa cu posibilidad di gana un biahe pa NYC

    Aruba Bank a sorprende Prensa cu posibilidad di gana un biahe pa NYC

    ORANJESTAD - Riba Diabierna 1 di september a celebra Dia di Prensa aki na Aruba. Esaki tabata un bunita ocasion pa reflexiona riba e trabou importante cu prensa ta eherce den un comunidad.

  • Hopi atencion y participacion na ‘Poetry is an Island’

    Hopi atencion y participacion na ‘Poetry is an Island’

    ORANJESTAD - Diadomingo tabatin e evento di “Poetry is an Island” y Aruba Bank a contribui na esaki. E evento aki tabata un dedicacion na 10 aña di nochi di poesia. E evento tabata uno hopi bunita y hopi bon bishita.

  • Tempo Aruba a habri nan di 2 localidad na San Nicolas

    Tempo Aruba a habri nan di 2 localidad na San Nicolas

    ORANJESTAD - Diabierna 25 di Augustus den oranan di atardi Tempo Aruba a habri nan di dos localidad cu ta na San Nicolas. Nan a habri e localidad aki pa sigui yuda hendenan cu ta buscando un trabou y no solamente den San Nicolas, pero pa tur esunnan cu ta buscando trabou parti pariba di brug.

  • NoticiaCla Ad
  • Powered by SETAR