Venezolanonan na Aruba a participa na e Consulta Popular

Posted on 07/16/2017 2:25 pm AST | Updated on 07/16/2017 5:54 pm AST

ORANJESTAD – Venezolanonan residencia na Aruba awe a acudi masalmente na Cas di Cultura pa participa na e referendum, Consulta Popular, pa contesta 3 pregunta clave. E Consulta aki a tuma lugar rond mundo, y aki na Aruba tambe esaki no tabata excepcion. For di 8’or di mainta Venezolanonan por a vota te cu awe tardi 4’or na Cas di Cultura. For di tempran tabatin filanan largo cu ta bira full rond di e edificio, cu ta demostra interes grandi pa e consulta aki. E resultadonan lo ta conoci mas laat. Entre e preguntanan di e consulta, tabatin si e pueblo ta rechasa y desconoce e constituyente di (presidente) Nicolas Maduro, Demanda forsa arma obedece e constitucion y ta para banda di e pueblo, y aproba realisacion di eleccionnan general liber y secreto.

  • Gerente RIU: Victima di trafico Joel Dirksz un excelente persona!

    Gerente RIU: Victima di trafico Joel Dirksz un excelente persona!

    PALM BEACH – E noticia di morto tragico di Joel Dirskz (24) awe mainta a dal duro na trabou di Dirksz. Na bida e tabata store manager di Riu Palace y masha stima mes pa tur hende. “Excelente persona” tabata reaccion di gerente di Riu Palace Juan Blanco na NoticiaCla diasabra. “Persona excelente cu a base di trabou, dedicacion y esfuerso, a subi varios posicion y a converti su mes den un figura asina importante pa e hotel, pa ta esun encarga di ricibi tur mercancia cu ta drenta (hotel) diariamente” Blanco a sigui bisa. Segun Blanco, Dirksz tabata un persona masha yega na ambos gerente di e hotel. Blanco a splica e portal aki cu 3 aña pasa ela cuminsa traha como security, pero manera indica caba, rapidamente a subi den rango y na ultimo pues, tabata store manager di e hotel, cu apenas 24 aña. E portal aki por a compronde cu e trahadonan tambe ta hopi afecta pa su morto.

  • Mayoria area di awacero pisa y lamper kedando panord di islanan ABC

    Mayoria area di awacero pisa y lamper kedando panord di islanan ABC

    ORANJESTAD - Te cu awo mayoria di area di cu awacero pisa cu lamper y strena (asocia cu tormenta Harvey) ta kedando Noord di e islanan ABC. Asina METEO ta raporta awe mainta. “Pero manera ya menciona e aire ta keda humedo y instabil awe, y birando mas stabil atardi laat pa anochi” Meteorologo Marc Oduber a bisa awe mainta. “ Pues e chens pa awacero porta compania cu algun strena y lamper lo keda posibel awe. Pero menguando atrardi laat pa anochi”. Pa 6 pm e centro y tormenta Harvey lo ta Noord di aruba, mas o menos 170 km e area di sustained tropical storm winds lo keda mas cu 150 km Noord di Aruba.

  • Di shete donacion di Aqua48 a bay pa Fundacion Ambiente Feliz

    Di shete donacion di Aqua48 a bay pa Fundacion Ambiente Feliz

    ORANJESTAD - Awe mainta Aqua for Aid (Aqua48) a otorga su di SHETE donacion recauda cu awa bendi na restaurantnan participante. Manon Hekman di Aqua48 a entrega e donacion di 3.500 florin na señora Lukee Croes di Fundacion Ambiente Feliz. Esaki ta un fundacion cu ta ofrece un vivienda adoptivo cu cuido 24 ora pa dia, pa 20 cliente cu un limitacion mental. Tabata presente tambe representantenan di WEB y CEDE Aruba cu ta partner den e proyecto aki. E donacionnan aki ta bira posibel danki na clientenan cu ta paga 1 florin pa awa den glas di Aqua48 den restaurantnan participante. E siguiente donacion ta bay pa e proyecto Crijojo Trappers Aruba.

  • Eclipse solar dialuna observa na Aruba lo ta uno parcial

    Eclipse solar dialuna observa na Aruba lo ta uno parcial

    ORANJESTAD – Dialuna proximo Aruba lo observa un eclipse solar parcial. Asina servicio meteorologico di Aruba a informa diabierna. Un Eclipse total di solo ta sosode ora luna nobo staciona su mes entre Solo cu Tera y proyecta e parti di mas scur di su sombra, umbra, riba Tera. Un eclipse solar, conoci como totality, ta practicamente mesun scur cu anochi.

  • Tormenta Harvey ta pasa 155 km pa nort di Aruba diasabra atardi

    Tormenta Harvey ta pasa 155 km pa nort di Aruba diasabra atardi

    ORANJESTAD – Mientras cu ta sperando e tormenta tropical Harvey pasa panort di Aruba diasabra, servicio meteorologico a bolbe ripiti awe, cu lo no tin alerta (watches) pa e tormenta aki. E centro di e tormenta awe mainta 11’or tabata ubica na 13.1 grado North, 61.3 grado West y moviendo direccion west cu forsa di casi 33 km pa ora.Segun Meto, e centro di Harvey lo pasa 155km pa nort di Aruba diasabra atardi laat of anochi. No ta spera biento di forsa di tormenta, y tin un risico minimal di 10% pa esaki sosode. Pa loke ta awacero, METEO ta spera awa di 5 pa 15 mm den marduga diadomingo pa mainta. No ta spera inundacion tampoco.

  • Tormenta tropical Harvey ta pasa panort di Aruba diasabra anochi

    Tormenta tropical Harvey ta pasa panort di Aruba diasabra anochi

    ORANJESTAD – Tormenta tropical Harvey lo pasa panort di Aruba entre diasabra atardi pa diadomingo marduga. Segun servicio meteorologico di Aruba, mirando su direccion (panort di Aruba), lo no emiti ningun alerta (watch) durante su pasada. E tormenta a nace awe merdia y su centro tabata 13.0 grado nort y 55.8 grado west. Un tormenta tropical debil, 400 km oost di Barbados.  

  • NoticiaCla Ad
  • Powered by SETAR