Ainda e miyonario di 3.150.000 no reclama su premio!

Ainda e miyonario di 3.150.000 no reclama su premio!
  • Lotto di Dia a entrega premio di 150.000 florin

    Lotto di Dia a entrega premio di 150.000 florin

    ORANJESTAD - Lotto, e loteria di Aruba a entrega un tremendo suma como premio di Lotto Di Dia na e hungado Cornelia V. El a gana 150.000,=, riba diadomingo 29 di december. E dia cu Lotto a dicidi di Los E Tiro di fin di aña y a manda e jackpot di Lotto Di Dia na su suma maximo, esta di 150.000 florin. Riba e dia aki garantisa Lotto a parti 150 mil florin. Cornelia a cumpra su numbernan di suerte, 01-03-09-17-23, na Bloemond Lottery. 

  • Empleadonan Senor Frog's ta confirma cu nan temor a bira realidad

    Empleadonan Senor Frog's ta confirma cu nan temor a bira realidad

    ORANJESTAD - Empleadonan Senor Frog's ta confirma cu nan temor a bira realidad. Diadomingo pa medio di un comunicado, nan a 'kibra nan silencio' riba un caso cu a cuminsa aña pasa november. Manera cu e comunicado ta relata, tawata november aña pasa ora cu e trahadornan di Senor Frogs a uni, organisa y tuma paso pa asina proteha nan derechonan. Derechonan cu segun nan, a teme cu lo wordo trapa ariba dje pa parti di Senor Frogs y Grupo/Operadora Anderson di Mexico. "Despues cu e famoso Daniel Orosco a wordo nenga salida di Aruba, abogado Joselin Croes a presenta na nomber di Orosco y Grupo/Operadora Anderson" e comunicado ta sigui bisa. "A wordo haci yen di promesa y den official statements di su banda y entre otro cu e director/doñonan di Senor Frogs lo bin Aruba pa duna cara y regla cu e trahadornan. Na e momento ey tambe wordo bisa cu e trahadornan lo sigui haña pago en todo caso te ora cu e compania wordo declara failliet". Un suma chikito di placa a wordo manda pa paga e trahadornan te cu loke nan tawata debe nan prome cu nan a “cera” e quincenna pa november. Segun e trahadonan, a haci differente follow-up den december y awor na januari abogado Joseline Croes a informa cu su cliente lo no pone placa disponibel mas pa paga e trahadornan. E director/doñonan tampoco a bin duna cara. Recientemente segun un declaracion den medionan, departamento di impuesto a bende e inboedel di Senor Frogs na findishi. "Awor 32 persona a keda sin entrada y desapunta cu no a cumpli cu palabra cu a duna nan. Palabra cu a wordo duna y garantisa door di abogado Croes. Ta lamenta cu awor ta mustra cu e garantia cu a wordo duna tawata uno bashi" e comunicado ta sigui bisa. 

  • E miho experiencia playero na Aruba, Renaissance Island

    E miho experiencia playero na Aruba, Renaissance Island

    ORANJESTAD -Renaissance Island, e beach destina primordialmente pa huespednan di Renaissance Resort y Renaissance Suites ta completamente renoba, y cla pa ofrece e bishitante un experiencia cu e por haya solamente riba e isla ey. "Un experiencia diferente" Tineke Lenters , gerente di e isla, ta bisa NoticiaCla.com. Ora cu e isla a pasa den algun momentonan dificil na october 2015 cu e candela cu a destrui e cushina completo y parti di e restaurant, nan no a sinta keto y mesora a tuma accion. Dentro di algun dia a habri e isla bek pa servicio, den diferente forma. Mes momento a mira esaki como un oportunidad pa haci cambio cu tabata necesario pa basta tempo caba. Entre nan, a renoba y expande e facilidad cu a kima. A añadi mas area di recreacion, ofrece mas servicio y asina duna e huesped aun mas motibo pa relaha totalmente den un ambiente completamente diferente. 

  • CBA: Domestico netto y reserva di divisa netto a subi

    CBA: Domestico netto y reserva di divisa netto a subi

    ORANJESTAD - Den e luna di october 2016, e cantidad di placa den circulacion a subi cu Afl. 19,1 miyon te na Afl. 4.063,8 miyon, compara cu e luna anterior. Esaki a resulta for di un crecemento den tanto e activo domestico netto como e reserva di divisa netto di Afl. 16,0 miyon y Afl. 3,1 miyon, respectivamente. E subida den e activo domestico netto a surgi door di un crecemento di Afl. 17,3 miyon den transaccionnan no relata na credito y un caida di Afl 1,3 miyon den credito domestico. E expansion den transaccionnan no relata na credito a resulta for di crecemento den e asina yama “shareholders’ equity”, “premises and equipment” y “accounts receivables and prepayments” y un reduccion den “borrowings” como tambe transaccionnan di clearing. Credito domestico a mengua cu Afl. 6,6 miyon den credito bancario na e sector priva y un crecemento di Afl. 5,3 miyon den credito netto na e sector publico. E caida den credito bancario na e sector priva ta debi na bahada den credito na consumidor (-Afl. 10,2 miyon), cual a wordo parcialmente mitiga pa crecemento den hipoteca pa vivienda (Afl. 2,2 miyon) y credito na empresa (Afl. 1,4 miyon). E subida den credito bancario netto na e sector publico ta debi principalmente na un caida den depositonan di gobierno di Afl. 6,0 miyon. Di otro banda, e fondo pa desaroyo a subi cu Afl. 1,9 miyon. E expansion den reserva di divisa netto di e sector bancario ta debi na compra netto di divisa di Afl. 197,8 miyon for di publico, principalmente asocia cu turismo, trasferencia netto for di cuentanan den exterior di companianan local y inversion directo. Esaki a wordo parcialmente mitiga pa benta di divisa di Afl. 194,7 miyon na publico, primordialmente relaciona cu pago netto pa importacion di mercancia, otro servicionan y e asina yama “income account”.

  • CBA: Bishita di turista Venezolano a baha drasticamente

    CBA: Bishita di turista Venezolano a baha drasticamente

    ORANJESTAD - Definitivamente e situacion di Venezolano na Aruba a baha drasticamente aña pasa. Cifranan di october 2016 cu Banco Central a emiti e siman aki ta mustra esaki tambe. Na october 2016, e cantidad di turista a registra 76.491 bishitante, cual tabata 29,8 porciento (-32.533 bishitante) menos cu na october 2015. E caida aki a resulta principalmente door di bahadanan den e mercado di Latino Americano di 64,7 porciento (-30.862 bishitante) y e mercado Norte Americano di 3,2 porciento (-1.598 bishitante). Di otro banda, e mercado Europeo a registra un subida di 14,3 porciento (+1.037 bishitante). E caida den e mercado Latino Americano a wordo primordialmente causa pa menos den bishitante for di Venezuela (-30.975 bishitante of -76.7 porciento). E bahada den e mercado Norte Americano a resulta pa gran parti for di un reduccion di 3,6 porciento den bishitante for di Merca (-1.701 bishitante). E aumento den e mercado Europeo ta debi pa un gran parti na un crecemento di 52,3 porciento den bishitante for di Gran Britania (+753 bishitante). E cantidad di turista crucero a baha cu 24,7 porciento (-12.604 bishitante) te na 38.349 na october 2016, compara cu october 2015. E cantidad di barconan a registra un bahada, for di 20 na october 2015 pa 17 na october 2016. 

  • InselAir International ta presenta business plan 'nobo' otro luna

    InselAir International ta presenta business plan 'nobo' otro luna

    WILLEMSTAD - E management team di Insel Air international lo presenta e asina yama ' Stabilizatie en Businessplan' mas liher posibel pa e por wordo aproba den e hunta di comisario. Asina e compania a informa su trahadonan pa medio di un memo interno cu NoticiaCla.com a pone su man ariba. "E (plan) lo sirbi como base pa por cuminsa pago di e diferente 'tranches' door di gobierno. Ta premira cu e business plan lo ta cla mitar di februari" e memo ta sigui bisa. Tur esaki a bin despues cu NoticiaCla.com a publica e dos articulonan e siman aki riba e tema aki. 

  • Powered by SETAR