- Hof: Spera sentencia di apelacion caso Avestruz na July di e aña aki
- Polis a haci detencion den caso di tiramento dilanti Tio Pepe Bar
- WEB Aruba y Wärtsilä a firma ‘Final Take Over’ di planta Recip IV
- Mericanonan di MPR a yega pa investiga problema di coriente na Aruba
- Den menos di 12 ora, dos accidente separa a causa interupcion di coriente awe
St. Maarten tambe ta boga pa saca formashon di gobierno for di man di gobernador
W’STAD/PHILIPSBURG - Formashon di gobièrnu inkluso nombramentu di minister mester ta den man di parlamento i no di gobernadó, meskos ku ta e kaso na Hulanda. Asina presidente di parlamento di St. Maarten, Sarah Wescot-Williams a trese dilanti durante un konferensia di prensa. A yama e konferensia di prensa riba preokupashon ku ta biba na St. Maarten riba proseso di screening i nombramentu di minister.
E proseso ta dura demasiado largu i ta kousa un situashon kaminda pa un periodo largu tin miembro di parlamento ku ta alabes minister demishonario. Konforme konstitushon di St. Maarten tabatin te 10 mei awor pa a nombra un gobièrnu. Despues di e fecha aki e parlamentarionan ku tabata alabes minister demishonario mester baha.
Ta trata di promé minister demishonario Sylveria Jacobs, Minister di Finansa demishonario Ardwell Irion, Minister di Bibienda Popular i Obranan Públiko, Egbert Doran i minister di Salubridat Públiko demishonario, Omar Ottley. Ta pa e motibu aki Wescot-Williams a bisa ku na su opinion e enfoke di proseso di formashon mester ta pa yega mas lihé posibel na nombramentu di ministernan.
E ta spera tambe ku pa ta logra pa e fecha tentativo di 25 aprel awor ku tur e ministernan nobo ta hura, despues ku formadó Luc Mercelina a entregá su relato final di e proseso di screening na gobernadó. Wescot-Williams ku ta presidente di parlamento di St. Maarten ta bisa ku e ta kouteloso den su espektativa ku e ministernan nobo ta hura e siman aki pasobra e proseso no ta den su man.
“Mi no tin influensia riba e proseso. Mi ta mantené mi mes na e fecha, pero miéntras mi no haña un invitashon pa ta presente na e seremonia di huramentu mi ta keda kouteloso.”
Mas aleu el a bisa ku e proseso di screening di e kandidatonan pa minister no ta transparente i mester duna mas informashon na poblashon di St. Maarten i e kandidatonan mes ku tin ku pasa den e proseso aki. Na St. Maarten, meskos ku ta e kaso na Kòrsou, ta gobernadó ta esun ku na enkargo di e proseso di formashon, screening i nombramentu di minister.
Segun Wescot-Williams ta splika e enkargo aki ta konforme kon e proseso di formashon tabata tuma lugá na Hulanda, pero for di mas ku 10 aña pasá e proseso aki a kambia na Hulanda i e enfoke di e proseso di formashon ta serka polítika. “E proseso di formashon i nombramentu di minister ta serka parlamento “Tweede Kamer”.
Wescot-Williams ta di opinion ku si e proseso di formashon i nombramentu di minister ta kai direktamente bou di parlamento esaki lo krea e diskushonnan públiko ku ta saludabel pa e proseso. Pa e motibu aki e ta na fabor pa trese kambio a base di kon e proseso di formashon a evolushoná durante di añanan.
Relashoná ku e proseso di screening Wescot-Williams ta bisa ku esaki ta tuma lugá a base di un lei ku a pasa na 2012. Tambe tin un lei ku ta regulá integridat di minister ku ora ku e minister asumí su funshon.
Wescot-Williams ta kere ku ta mihó ku tin un solo lei ku ta regulá e proseso di screening di kandidatonan pa bira minister i alabes e integridat di minister unabes ku e ta den funshon. E ta mustra kon na Kòrsou tambe a inkorporá ámbos asuntu den un solo lei i ta kere ku esei ta loke St. Maarten tambe tin ku hasi.”
Finalmente e presidente di parlamento ta bisa ku na St. Maarten e warda demasiado largu pa e gobièrnu nobo por tuma asiento. Na su opinion no por kompará e situashon na St. Maarten ku esun na Hulanda.
Na Hulanda a tene elekshon for di novèmber 2023 i ainda no tin un gobièrnu nobo. Na Hulanda sinembargo tin e situashon ku ainda partidonan no a haña otro riba formashon di un gobièrnu nobo miéntras ku na St. Maarten tin un akuerdo riba puntonan prinsipal pa e próksimo periodo di gobernashon. NOTA: Texto ta scirbi den Papiamento fonetico di Corsou.
E canal di television Boneriano Dutch Caribbean TV a bira Energia TV Bonaire
KRALENDIJK – E canal di television antes conoci como Dutch Caribbean a bira awor Energia TV Bonaire. Pues manera ta bisa na ingles, e la pasa di un proceso di re-branding di compania. Conforme e comunicado di e gerencia nobo , Dutchcaribbean TV, e kanal a pasa den un transformashon bou di propietarionan nobo Emilayla Coffi i Erick Alvarez. E kambio aki ta distansiá e kanal for di asosiashonnan anterior ku agènda i influensia polítiko i ta marka un era nobo di kontenido eksepshonal i relevante.
Ta mustra cu tin un crisis constitucional actual na St Maarten
W’STAD/PHILIPSBURG - Despues ku presidente di parlamento di St. Maarten, Sarah Wescot-Williams regresá for di reunion di asamblea general di ParlAmericas ku ta tuma lugá na Paraguay e lo yama un di 3 reunion di parlamento pa trata kredensial di kandidatonan Richinel Brug (URSM) i Viren Vinod Kotai (DP). Brug i Kotai mester remplasá Luc Mercelina i Grysha Heyliger-Marten ku a hura siman pasá komo minister di gabinete Mercelina I.
Conseho Insular di Bonaire a aproba nombramento di Arubiano como griffier nobo
KRALENDIJK - Conseho Insular di Bonaire a aproba nombramento di Arubiano como griffier nobo. TA trata di e e persona di Jacqueline Harewood, cu te cu October 2023 tabata traha na Dimas encarga cu e proceso di e.o. asilo politico. Lamentablemente pa Harewood, su ultimo añanan na DIMAS no tabata nada agradable p’e, unda cu tras di otro, e la experencia loke hopi a considera como persecucion politico, cu intencion pa hal’e di e funcion y despues tabatin loke tabata mustra un campaña mediatico pa daña su reputacion. E la sa di surpasa tur esaki sinembargo, y na final e la dicidi di bay cu Vut aña pasa na October. Esaki ta bira asina otro persona cu experticio importante cu Aruba ta perde, debi na circumstancianan cu no mester tey awendia den nos comunidad.
Corte Supremo di Dominica a rechasa prohibicion di homosexualidad riba e isla
ROSEAU – Corte supremo di Dominica a rechasa e prohibicion riba homosexualidad, y ta considera esaki no constitucional. E prohibicion ta data desde e tempo cu Inglatera tabata manda riba e isla. Segun Corte Supremo di e isla, e prohibicion riba homosexual ta viola derechonan fundamental. E caso a keda entama pa un habitante homosexual no identifica di e isla. Despues di 5 aña den corte, tabatin un sentencia porfin. E isla ta e di 5 den Caribe cu ta invalid un ley colonial prohibiendo homosexualidad. Trinidad and Tobago, St. Kitts and Nevis, Antigua y Barbuda, y Barbados tabata e islanan prome cu Dominica cu tambe a haci e mescos, esta elimiona prohibicion contra homosexualidad. Jamaica y St Vincent & The Grenadines tabata menos exitoso den esaki. Interesante ta e hecho cu e articulo unda cu esaki a keda raporta, ta haci mencion di e caso pendiente na Aruba y Corsou pa matrimonio di mesun sexo. E ta haci mencion di e veredicto pendiente fin di luna di mei, di e tema aki.
Candidato pa minister nobo na St Maarten ta hiba gobernado Corte
W’STAD/PHILLIPSBURG - Kandidato pa minister Raeyhon Peterson ta preparando un kaso den korte kontra gobernadó di St. Maarten Ajamu Baly. Esaki pa motibu ku Baly ta nenga di manda su dekreto aden pa firma.
Gotopo: Prolongacion di cierre frontera cu Venezuela ta un medida absurdo
CARACAS – E medida di prolongacion di ciere di frontera cu Venezuela, door di gobierno di Aruba, ta un medida totalmente absurdo. Asina e vice presidente di La Camara de Comercio y Turismo de La Vela de Coro, Juan Gotopo a bisa Noticiacla diahuebs mainta. Manera ta conoci Aruba a dicidi dialuna atrobe pa prolonga e ciere aki cu 4 luna. “E medida di ciere di frontera tuma pa e gobierno di Aruba, ta parce nos un medida totalmente absurdo, ilogica y sin sinti”, Gotopo a sigui bisa. Segun Gotopo, si pone e asunto den balansa, e ta bay contra e interes di e propio Arubianonan.
Follow NoticiaCla
